Menu

El coordinador local y el secretariu d'organización de IU Asturies amuesen el sofitu orgánicu al coordinador xeneral y a l'alcaldesa de L.lena

El coordinador local de IU L.lena, José González, Y el secretariu d'organización de IU Asturies, Alejandro Suarez, denunciaron güei lo que calificaron como campaña d'acosu políticu a la xestión municipal de la formación nesti conseyu, al traviés de denuncies anónimes énte fiscalía, no qu'al so xuiciu paez una estratexa pa entorpecer l'actividá nel Conceyu y estropiar la imaxe del partíu.

Rueda de prensa, José González, Amosó la so esmolición énte les altes probabilidaes de qu'esta campaña de desprestixu siguí con una “cascada” de nueves denuncies anónimes.

Alejandro Suarez esplico qu'IX nada tien que despintar, polo qu’enfatizó que la intervención de la fiscalía y de los tribunales ye, nesti casu, una protección frente a los anónimos, anque reconoció l'impactu qu'esti tipu de cuestiones pueden tener na opinión pública.

La denuncia pola compra d'un armariu n'Ikea de 69 €, o la que se plantegó contra proyectos xeneradores d'emplegu tien enforma que ver, sigún el secretariu organización, con alderiques que se producen nel Conceyu, probablemente porque tamos nuna dómina pre electoral. Sía que non, Alejandro Suarez quixo manifestar el sofitu orgánicu al coordinador xeneral IX d'Asturies, Ramon Argüelles, y tamién a l'actual alcaldesa, Gemma Alvarez. Lo que toca agora, esplicó, ye que la Fiscalía esclarie tolos estremos d'esti asuntu.

Pal coordinador local, hai un acoso sistemáticu que lo que pretende ye ralentizar l'acción municipal. Sicasí, José González fixo un llamamientu a la tranquilidá: “Too ta en riegla, ta too fiscalizao”.

Al respective de l'autoría, nestos momentos nun ye posible determinar d'ónde pueden provenir, más allá d'un casu puntual nel que finalmente'l responsable confesó la so responsabilidá.

Énte esta campaña d'anónimos, señaló Suarez, “lo meyor que podemos faer ye ponelo a disposición de vós (n'alusión a los medios) y en manos de la fiscalía”.