Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

  • Primera Página
  •   Página Anterior

IX de Morcín sal a ganar

“Izquierda Xunida de Morcín sal a ganar”. Con esta frase entamaba ayeri Joaquín Uría, candidatu d’IX de Morcín la rueda de prensa na que presentó publicamente la so candidatura al ayuntamientu, onde agora IX cuenta con tres conceyales. Uría aseguró qu’Izquierda Xunida de Morcín alcuéntrase en condiciones infinitamente meyores qu’hai cuatro años, con un llabor consolidáu de los tres conceyales actuales y un trabayu de xestión realizada con tresparencia y llimpieza.

Discursu de Jesús Iglesias na XIII Asamblea d’Izquierda Xunida de Xixón

La situación política que vive’l nuestru país y a la qu’Asturies nun se puede sustraer ye una situación caracterizada pola tensión. Había munchu tiempo que nun se palpaba un nivel d’enfrentamientu tan grande, nun solo ente les fuerces polítiques, y les sos manifestaciones nes instituciones, sinon tamién na ciudadanía.

Acto de presentación de los Acuerdos Izquierda Xunida, Bloque por Asturies, Los Verdes.

Asturies alcuéntrase güei ente un triple retu: garantizar un modelu de desarrollu sostenible, respetuosu col nuesu patrimoniu natural al mesmu tiempu que garantice una económica y industrial afayadiza, puxando tamién los nuevos sectores de l’actividá económica; garantizar un modelu social avanzáu, capaz de dar respuesta a los retos d’una sociedá envieyada, que frene la emigración xuvenil y fura los instrumentos públicos pa redistribuyir, con mayor xusticia, la riqueza; y finalmente, Asturies necesita avanzar nel so autogobiernu y reforzar la so identidá como pueblu.

Jesús Iglesias y Antonio Pino reclamen un cambio nes polítiques industriales

Jesús Iglesias, Coordinador Xeneral d’Izquierda Xunida d’Asturies y Antonio Pino, Secretariu Xeneral de Comisiones Obreres d’Asturies amuesaron ayeri, en rueda de prensa, una visión similar sobre la realidá socioeconómica y los riesgos que nos próximos años s’averen a Asturies, de nun mediar un cambiu nes polítiques económiques ya industriales.

IX de Llanes propónse frenar la especulación urbanística y l'acosu a la ganadería en Llanes

Frenar la especulación urbanística y l'"acosu" a la ganadería, aumentar el númeru de viviendes pa los habitantes de Llanes y meyorar la calidá de vida de los vecinos de los pueblos del conceyu: son los tres exes colos que va trabayar dende agora Javier Ardines, candidatu d'Izquierda Xunida a l'alcaldía de Llanes.

Ramón Argüelles, candidatu a l'alcaldía de L.lena, aspira a qu'IX seya la formación más votada nes prósimes elecciones

Argüelles comprométese a solucionar la situación “crítica” que sofre l'Ayuntamientu.

“Izquierda Xunida de L.lena aspira a gobernar en L.lena, a ser, col puxu de los vecinos, la llista más votada”. Asina se manifestaba ayeri Ramón Argüelles, candidatu a l'alcaldía de L.lena, durante la rueda de prensa na que se presentó publicamente la so candidatura a l'alcaldía. Ramón Argüelles, actual director de Seguridá Pública, cree qu'el modelu de gobiernu actual de L.lena ta agotáu yá que l'Ayuntamientu alcuéntrase nuna situación económica crítica, abandonó'l mediu rural y les infrastuctures prometíes sofren un retrasu importante, como ye'l casu de la piscina o'l polígonu de Vil.layana.

Jesús Iglesias recuerda’l compromisu que tien España cola autodeterminación del pueblu sah.araui

IX va axuntase a la concentración convocada’l próximu 23 de marzu ente la Delegación de Gobiernu

Jesús Iglesias, Coordinador Xeneral d’Izquierda Xunida d’Asturies y Guillermo Ballina, Secretariu d’Organización d’IX d’Asturies mantuvieron un conceyu esta mañana con Bachir Salek, delegáu del Frente Polisario n’Asturies nel que se recordo la situación del pueblu sah.araui y la responsabilidá del Gobiernu español nel procesu d’autodeterminación.

IX cellebra'l día de la muyer en Castrillón

Izquierda Xunida d’Asturies cellebró, en Castrillón, el Día Internacional de la Muyer Trabayadores cola presencia de Presentación Urán, Secretaria d’Igualdá d’IX federal; Montserrat Muñoz, alcaldesa de San Fernando de Henares; Ángela Vallina, candidata d’IX a l’alcaldía de Castrillón y Jesús Iglesias, Coordinador Xeneral d’Izquierda , amás d’otres candidates d’Izquierda Xunida.

Izquierda Xunida va incluyir nel so programa electoral les demandes d’XT y CCOO d’un nuevu Plan de Concertación 2008-2012 y la incorporación de los sindicatos a toles sociedaes del IDEPA.

"Los sindicatos son pieces fundamentales pal desarrollu d’Asturies y, poro, elementos indispensables pa garantizar l’éxitu d’un gobiernu d’izquierdes” asina lo afirma Jesús Iglesias, candidatu d’IX a la Presidencia del Principáu por IX, organización que va incorporar al so programa electoral la reedición de la concertación social con un nuevu plan pa los años 2008 a 2012. 

  • Primera Página
  •   Página Anterior

Compartir

2014 Izquierda Xunida d'Asturies - Política de privacidad - Política de cookies