Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

  • Primera Página
  •   Página Anterior

Izquierda Xunida considera que la comisión de la Memoria Histórica propuesta pol Alcalde constituye una humildación a la izquierda.

Esta Comisión, por dalgunes de les persones que la integren, más paez talamente un homenaxe al 20-N. Hai persones cuya presencia ye incuestionable y otres cuya elección tien l'único oxetivo de suburdiar a la izquierda política y social, según IX d'Uviéu.

Espinosa defiende la incineración y facilita al gobiernu d'Areces la construcción de la incineradora

Pa IX d'Uviéu yera evidente que tres la espulsión d'IX del Conseyu d'Administración de COGERSA, lleváu al cabu col silenciu del representante del Ayuntamientu d'Uviéu nesi Consorciu, la esistencia d'un pactu PSOE-PP p'avanzar hacia la incineración n'Asturies. Les declaraciones d'Espinosa definiendo les postures anti-incineración como utópiques, son una tomadura de pelu a los ovetenses. Tol enfotu personal y económicu que tan faciendo los ciuadanos quedará en nada cuando se licite una incineradora que necesita muncha materia prima pa quemar.

IX-BA-LV aconceya coles persones agospiaes nel Programa Asturianu d'Atención a Víctimes de les Violaciones de los Derechos Humanos en Colombia

El Diputáu d'IX-BA-LV, Francisco Javier García Valledor, y Rafael Palacios, Voceru del Bloque por Asturies, recibirán mañana llunes 19 de payares a les 13:00 hores na Sala de Reuniones del Hemiciclu de la Xunta Xeneral a les persones agospiaes nel Programa Asturianu d'Atención a Víctimes de les Violaciones de los Derechos Humanos en Colombia y al Coordinador de dichu Programa, Javier Orozco.

IX d'Uviéu elixe a los sos 31 delegaos pa l'asamblea d'IX d'Asturies

IX d'Uviéu cellebró esta mañana la so asamblea col oxetivu d'analizar y preparar l'asamblea qu'IX d'Asturies cellebrará en La Gruta los prósimos díes 30 de payares y 1 d'avientu. Participaron alredor de 80 persones, aprosimadamente un 80% de la militancia d'IX d'Uviéu y aprobse la llista de delegaos que representarán a IX d'Uviéu nel congresu d'IX d'Asturies. Esta llista paritaria de 31 persones ta encabezada por Paloma Uria, integrada ente otros por Darío Díaz, Pedro Rodríguez y Ángel López, (tres directores xenerales del gobiernu del Principáu na pasada llexislatura), y la cierra Juan Ania, históricu militante del PCA. Los documentos presentaos por IX d'Asturies nesti alderique previo a l'asamblea fueron sofitaos por unanimidá pola asamblea d'IX d'Uviéu.

Del mesmu mou, los militantes d'IX d'Uviéu, sofitaron dos resoluciones importantes.

María Jose Ramos debería lleer el presupuestu que fizo'l so Gobiernu

Izquierda Xunida d'Asturies considera que la Conseyera de Presidencia debería lleer el presupuestu del so Gobiernu y comprobar la “verdadera” política social d'Areces: xubir el 20% el dineru empobináu a pagar los asesores d'Areces, o el 28% nel casu del Ente de Comunicación por nun recordar el 86,97% d'una sociedá pública fundamental pal bientar de los asturianos como ye RECREA.

Los presupuestos d'Areces nun son los que necesita Asturies

Nun son unos presupuestos d'izquierdes porque un proyectu fechu col oxetivu de satisfacer, al mesmu tiempo, a IX y al PP nun pue ser d'izquierdes. Nun son unos presupuestos sociales porque tampoco tan comprometíos cola creación d'emplegu, ni con la vivienda ni con el mediu ambiente. Xube'l “sector públicu made in Areces” (Ente Comunicación, Llaboral, Recrea…) frente  a les instituciones públiques asentaes. El presupuestu d'Areces xube un 7%.  Les inversiones reales (suma capítulos 6 y 7) crecen namás un 5,8%. Presidencia del Gobiernu el mayor beneficiáu pol presupuesto. Los recursos del Presidente del Gobiernu xuben un 30% frente a los incrementos nes árees sociales del Gobiernu son más modestos: Salud, +10%; Educación: +7.5%.

Valledor: “ye una desfachatez presentar como nuevu'l proyectu del Palacio de Xusticia de Xixón cuando ya taba incluíu nos presupuestos de 2007”

El Diputáu d'IX-BA-LV, Francisco Javier García Valledor, definió como “proyectu estrelláu y nun estrella” al nuevu Palaciu de Xusticia de Xixón. Nun se puede entender que se vuelva a presentar esta infraestructura como una novedá pal prósimu añu cuando en realidá a día de güei ya debería estar licitáu'l proyectu constructivu puesto que disponía de presupuestu suficiente nos actuales presupuestos.

Alejandro Suárez: “Mortera fala pa debilitar la posición sindical en La Vega. Quier que la fábrica acabe pa exercer cuanto antes como'l “cobrador del frac” de Gabino y facer caxa colos terrenos.”

Les declaraciones del conceyal d'urbanismu tan feches nel momentu xustu pa exercer presión sobre los sindicatos. Lo que menos se necesita nesti momentu de negociación sindical son inxerencies indirectes de responsables públicos que faciliten la posibilidá de fuga de la empresa. IX d'Uviéu cree que Mortera ta naguando por entamar a facer el trabayu pal que-y contrató Gabino que ye facer caxa colos terrenos de la Vega. Mortera ta debilitando conscientemente la posición de los sindicatos de fábrica de la Vega pa exercer cuanto antes como'l cobrador del frac de Gabino y facer caxa colos terrenos.

Valledor reclama la comparecencia urxente de Buendía nel plenu de la Xunta pa qu'esplique les “sombres” del sobrecoste de El Musel.

Francisco Javier García Valledor, diputáu d'IX-BA-Verdes, reclamó, tres les 'aclaraciones'  del conseyeru Buendía sobre'l sobrecoste de El Musel, más información sobre aspectos de la so comparecencia que lloñe de poner lluz a esti caso dexaron ensin clarificar aspectos sustanciales, sembrando más dubies alredor de posibles responsabilidaes derivaes del mesmu. IX-BA-Verdes tamién pidió güei la comparecencia urxente de Buendía nel plenu de la Xunta Xeneral

Angel González invita a Lastra a nun metese n'asuntos que nun-y competen

El Secretariu d'Organización d'IX d'Asturies, Ángel González, recuerda-y a Fernando Lastra qu'IX nun tien representación nel Ayuntamientu de Cangas del Narcea y que les decisiones nel ámbitu internu d'IX toménles, precisamente, los muérganos internos de la coalición y nadie más.

  • Primera Página
  •   Página Anterior

Compartir

2014 Izquierda Xunida d'Asturies - Política de privacidad - Política de cookies