La Comisión Xestora d'IX en Llangréu, manifesta que la decisión adoptada por unanimidá de la Presidencia Colexada d'IX ye la consecuencia inevitable de l'actitú y estratexa mantenida nos últimos meses polos cuatro conceyales. De forma sistemática, reiterada y pública manifestaron que nun pertenecen a IX. Foron ellos quienes se autoescluyeron. Foron ellos los que nun quieren pertenecer nin representar a IX.
Izquierda Xunida d'Asturies considera que les declaraciones del vicepresidente Solbes confirmen que Zapatero afronta la crisis colos bolsiellos vacíos. Ya lo denunciamos nel so día: la política de cheques pa todos suponía nun namái l'aplicar midíes de dereches sinón dilapidar una importantísima cantidá de recursos públicos cuando hai munches necesidaes nesti país. Ye una auténtica irresponsabilidá que va tener consecuencies dramátiques pa munches families.
El grupu parlamentariu d'IX-BA-Verdes comprometiose cola Unión de Consumidores d'Asturies a impulsar na Xunta Xeneral del Principáu un pronunciamientu de toles fuercies polítiques asturianes escontra la eliminación de la tarifa nocturna, que va desapaecer por decretu del gobiernu de Zapatero'l prósimu 1 de xunetu. El parlamentu gallegu ya sofitó la derogación del decretu de 2006 que suprime esta tarifa haz escases feches. Esta ye una de les principales conclusiones de la reunión qu'esta mañana mantuvieron el voceru d'IX-BA-Verdes, Jesús Iglesias, ya'l diputáu Aurelio Martín, con Dacio Alonso, presidente d'UCE Asturies y Juan Ignacio Castaño, coordinador de programes d'esta entidá de defensa del consumidor.
El diputáu d'IX-BA-Verdes, Francisco Javier García Valledor, aseguró güei que la rempuesta del gobiernu sobre la decisión de la Directora Xeneral de Calidá Ambiental de presentase a unes oposiciones del Principáu causo “estupor ya indignación” nel so grupu parlamentariu.
El diputáu d'IX-BA-Verdes, Francisco Javier García Valledor, considera que les desplicaciones de la Directora Xeneral de Calidá Ambiental son “un insultu a la intelixencia de los asturianos y sobre tou una falta de respetu al restu d'opositores. Cuándo un altu cargu del Principáu concurre a unes oposiciones del Principáu nun ye un actu priváu sino públicu y esto ye indiscutible. En vez d'insultar debiera esmolecese pol mal llugar nel que dexó al Gobiernu. Si tuviera un pocu de sintíu del decoru dimitiría”, asegura García Valledor.
IX-BA-Verdes ta a la escontra de que la crisis del sector inmobiliariu la paguen los ciudadanos. “La crisis nun la pue pagar una minoría en beneficiu d'aquellos que ya ganaron munchu dineru”. Asina se pronunció esta mañana Aurelio Martín, Diputáu d'IX-BA-Verdes na Xunta Xeneral, ante los intentos de la patronal de la construcción d'Asturies y la Federación Asturiana d'empresarios de que'l gobiernu autonómicu xuba un 15% les viviendes protexíes. Aurelio Martín mostró la so disconformidá ante esta midía qu'indica que son los mesmos especuladores que ficieron subir los precios de la vivienda y ganaron inxentes cantidaes de dineru son los qu'agora intenten facelo cola vivienda protexida, una actitú que'l diputáu considera “intolerable y un auténticu atracu”.
Pa Izquierda Xunida d'Asturies los DVDs que'l Gobiernu distribuyó esti fin de selmana na cuenca del Nalón confirma qu'Areces opta pola propaganda pa intentar ocultar la parálisis del so Gobiernu. L'executivu asturianu ta paralizáu, los conflictos entamen a ser demasiao evidentes, la Conseyera de Bientar Social escomenzó un cambiu de ruta preocupante apostando pola privatización de los servicios sociales, el baruyu en Salú ye permanente… El Gobiernu d'Asturies ta nuna situación complicada. Nun tien iniciativa. Los Conseyeros d'Areces son meros xestores d'un Gobierno en minoría que nun ye quien a superar les sos aspiraciones d'interinidá.
Pal diputáu d'IX-BA-Verdes, Francisco Javier García Valledor “hubiese sido llóxicu nun levantar la moratoria fasta que tuviesen fechos los 18 parques actualmente en diferentes fases de tramitación, col fin de tener una idega real del impactu xeográficu sobre la zona occidental, que en conxuntu va ser brutal. Ye una nueva midía más escontra'l mediu ambiente y la racionalidá. Ye'l Principáu el que tien que facer una planificación global y el que cunta colos medios técnicos pa facer”.
La Xunta Xeneral del Principáu refuga'l proceso que siguió la Consejyría de Mediyambiente y Desarrollu Rural na aplicación de les autorizaciones ambientales integraes n'Asturies. Del mesmu mou, insta al Conseyu de Gobiernu a remitir a la Cámara, en forma de comunicación, y enantes de que fine l'actual periodu de sesiones, un documentu nel que se recueyan los niveles de cumplimientu de los oxetivos afitaos na Llei, sobre manera, los referentes a la reducción d'emisiones contaminantes, reducción de la eneración de residuos y de meyora nel usu eficiente del agua. Esta moción subsiguiente que defendió Francisco Javier García Valledor, diputáu d'IX-BA-Verdes muestra tamén la “preocupación pola incertidumbre xurídica y la situación d'inseguridá” na que queden les empreses asturianes pola vulneración grosera de la Conseyería de Mediuambiente y Desenrrollu Rural del procedimientu llegalmente establecíu pa otorgar les autorizaciones ambientales integraes.
La Xunta Xeneral del Principáu d'Asturies insta al Conseyu de Gobierno a entamar, de manera inmediata, l'espediente pa da-y la calificación de Monumentu Natural a la laguna costera denomada El Charco, de La Arena, en Sotu'l Barcu y a qu'aplique la protección preventiva de dicha área. Esta Proposición non de Llei foi presentada na cámara asturiana pol grupu parlamentariu d'IX-BA-Verdes y defendida por Francisco Javier García Valledor, diputáu d'esta formación. La iniciativa contó colos votos favoratibles d'IX-BA-Verdes y Partíu Popular.
NUN HAI ACTOS PREVISTOS
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies
