Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

  • Primera Página
  •   Página Anterior

La Presidencia colexada d'IX d'Asturies alcordó incoar un espediente disciplinariu a Alejandro López, Angelita Cuevas, María de los Ángeles Fonseca y Xuacu de Hoyos

El martes 6 de mayu, la Presidencia Colexada d'Izquierda Xunida consideró que los fechos ocurríos nel últimu plenu del Ayuntamientu de Llangéu resultaben tan inauditos como inxustificaos. Yera la primer vez n'España qu'una corporación municipal decidía quien forma parte d'un partíu políticu escontra la voluntá, formalmente espresada d'esi mesmu partíu políticu.

Aurelio Martín desixe al Ministeriu de Fomentu'l desbloquéu del soterramientu de les vies de Llangréu

El diputáu d'IX-BA-Verdes, Aurelio Martín, desixe al Ministeriu de Fomentu'l desbloquéu del soterramientu de les víes en Llangréu, en Sama y La Felguera, y qu'entamen los trámites pa la so puesta en marcha. El diputáu d'IX-BA-Verdes califica como inaceptable'l retrasu d'esti proyectu, financiáu con fondos mineros, ya que ye una obra básica pal municipiu y que, por otru lláu, ya sufrió un retrasu de más de seis años. La situación económica y llaboral de les cuenques esixe un impulsu a lo que nun contribuí, precisamente, esta parálisis del gobiernu central y autonómicu.

Declaraciones sobre la “illegalidá” del céntimu sanitariu

Jesús Iglesias, voceru parlamentariu d'IX-BA-Verdes, recuerda que la creación de la figura impositiva del denomáu 'céntimu sanitariu' constituyó'l reconocimientu del gobiernu de la nación de la insuficiencia de la financiación sanitaria. Si nesti momentu ta en riesgu esa financiación, deberá ser, a a xuiciu d'Iglesias, la mesma alministración la qu'asuma l'alternativa y la compensación a esa necesidá.

IX-BA-Verdes reclama mayor ambición pa qu'Asturies tenga un Estatutu propiu del sieglu XXI

Jesús Iglesias, voceru del Grupu Parlamentariu d'IX-BA-Verdes na Xunta Xeneral, considera que la reunión de la Ponencia Estatutaria cellebrada güei “constata, una vegada más, l'alcuerdu ente PSOE y PP p'aprobar un Estatutu de mínimos. Ye un alcuerdu inmovilista qu'impide qu'Asturies tenga un Estatutu modernu, ambiciosu y propiu del sieglu XXI”.

Valledor considera que les xornaes de Cogersa nun foron plurales y tan orientaes a la incineración

Francisco Javier García Valledor, diputáu d'IX-BA-Verdes na Xunta Xeneral del Principáu, considera que les xornaes cellebraes güei en Cogersa, col títulu “Aprovechamientu enerxéticu de los residuos” confirmen lo que dende esti grupu se denunciare: estes jornaes tienen una clara orientación hacia la incineración, ya que toles ponencies caminaben nesta mesma direición. “Nun foron unes xornaes plurales y d'alderique abiertu no que cinca a los ponentes”, aseguró'l diputáu d'IX-BA-Verdes.

Valledor asiste a les xornaes de COGERSA sobre la incineración que se cellebren mañana

El diputáu Javier Valledor va asistir a les xornaes sobre la incineración que COGERSA cellebra mañana nes instalaciones de COGERSA en Serín. Si bien representantes del Grupu Parlamentariu d'IX-BA-Verdes va asistir a tola xornada, Valledor namái va podes asistir a la sesión de la tarde – que ye onde se concentra'l debate- por mor de que pola mañana tien actividá parlamentaria.

Jesús Iglesias: “Areces niega la realidá. N'Asturies los xóvenes marchen, la metá de los trabaydores ni lleguen a mileuristas y les muyeres siguen cobrando menos por el mesmu trabayu”

IX emplaza'l Gobiernu a asumir el lliderazgu de les polítiques públiues p'afrontar esta realidá. Nun debemos caer nel catastrofismu, pero tampoco siguir nel optimismu desbordante d'otros. Ye urxente aplicar polítiques d'izquierdes n'Asturies.

Valledor: “L'alcalde de Villanueva tien obligación d'esclariar cuándo se dieron les llicencies de Grallas, si ye qu'esisten. Lo que daña l'honor d'un ayuntamientu ye tar sometíu a les empreses.”

Francisco Javier García Valledor, diputáu d'IX-BA-Verdes, recuérda-y al alcalde de Vilanova d'Ozcos que “tien obligación d'esclariar cuándo se dio la llicencia pa les obres del parque eólicu de Grallas” y qu'eso fundamenta la petición de la coalición y del Ayuntamientu de Santalla pa qu'apare les obres del parque eólicu de Grallas. Valledor manifestó que “los alcaldes tienen la obligación de facer cumplir la llei, que ye igual pa tolos ciudadanos.

Noemí Martín acusa a la Conseyera de Bientar Social d'esconder con mentires la privatización de los servicios sociales n'Asturies

Noemí Martín, diputada d'IX-BA-Verdes na Xunta Xeneral del Principáu, acusó güei a la Conseyera de Bientar Social, Pilar Rodríguez, de mentir en sede parlamentaria al negar el procesu de privatización de los servicios sociales, un procesu hasta agora nunca vistu n'Asturies, nin siquiera con un gobiernu del Partíu Popular. “Tan escelente o tan de mala calidad pue ser un centru xestionáu pola iniciativa pública como un xestionáu pola privada”. Esta ye la frase “llamentable” pronunciada pola socialista Pilar Rodríguez, Conseyera de Bientar Social, a xuiciu de Noemí Martín, pallabres que dan entamu a la privatización de los servicios sociales.

  • Primera Página
  •   Página Anterior

Compartir

2014 Izquierda Xunida d'Asturies - Política de privacidad - Política de cookies