En siete selmanes de campaña, la candidata d'IX-BA-Verdes recorrió 9.000 kilómetros.
La candidata considera que'l PP sabe que nun tien opciones. Asegura que lo primero que va facer Rajoy va ser privatizar la sanidá y la educación
Izquierda Xunida d'Uviéu va esixir que se reconsidere la decisión de nun meter la Manjoya nel listáu de suelos contaminaos que ta ellaborando la Conseyería de Mediu Ambiente. “Belén Fernández vuelve otra vez a defender los intereses empresariales frente a los medioambientales, nesti casu d'un de los campos de golf que tan esenciales son pa la reactivación económica d'Asturies”, afirmó'l coordinador llocal d'IX d'Uviéu, Alejandro Suárez, pa quien “ ta claro que la Conseyera ocupose de botar a IX-BA-LV de COGERSA porque la nuesa política de residuos molesta a les empreses. Ye una Conseyera puesta polos grupos de presión empresarial tres la llexisllatura na que fracasó la incineradora. Lo de la Manjoya ye una Belenada más nesti sen.”
El diputáu de la Xunta Xeneral del Principáu y voceru d'educación del Grupu Parlamentariu d'Izquierda Xunida-Bloque por Asturies-Los Verdes, Francisco Javier García Valledor, criticó duramente la política educativa del Gobiernu d'Asturies a la que calificó de “errática y ensín norte”. Al tiempu que se mantienen 69 asesores nesa conseyería que nun se sabe a qué se dediquen mientres que, a la vez, nun se faen les cobertures de baxes de llarga duración del personal d'alministración y servicios nos centros educativos asturianos, considera Valledor.
El grupu parlamentariu d'Izquierda Xunida-Bloque por Asturies-Los Verdes atalanta que la solución al conflictu anguañu plantegáu nel Hospital del Oriente d'Asturies "Francisco Grande Covian" pasa por poner en marcha dafechu'l procesu de transición d'este Hospital al Sistema Públicu de Salú del Principáu d'Asturies siguiendo los pasos que darréu se detallen.
A falta de debates públicos, la candidata Laura González súbese al taxi de Henry Felgueroso pa saber qué-y esmolez a la xente normal de la cai. Mientres tantu, los candidatos de PSOE y PP siguen nos sos despachos y dialoguen al traviés del fax.
Laura González, candidata d'IX-BA-Verdes al congresu de los diputaos, y Francisco Javier García Valledor, diputáu d'IX-BA-Verdes na Xunta Xeneral, amosaron esta mañana'l so sofitu a los trabayadores de Xusticia que permanecen dende haz una selmana en fuelga pa reivindicar la so equiparación salarial colos trabayadores del restu de comunidaes autónomes tresferíes.
El diputáu d'IX-BA-Los Verdes, Francisco Javier García Valledor, anunció que'l grupu parlamentariu d'IX-BA-Verdes va presentar, ante'l Tribunal Superior de Xusticia d'Asturies (TSJA), un recursu contenciosu alministrativu escontra la prórroga de les concesiones de tresporte públicu n'Asturies, aprobada pol Conseyu de Gobiernu'l 15 de xineru y espera que'l recursu lleve a la suspensión cautelar del decretu.
Fernando Díaz Rañón destacó güei nel barriu de El Nodo que'l presidente del Principáu, ensín tener en cuenta les necesidaes que los avilesinos y avilesines tienen de viviendes, que ya foron sortiaes nel mes d'abril, y tratando de menospreciar el llabor dechu por IX-BA nel gobiernu d'Asturies, aplaza la fecha d'entrega de les elleiciones municipales y avérala “lo más posible a les elleiciones xenerales”. El conceyal d'IX aseguró qu'esos intereses nun se corresponden colo que de verdá queremos y que ye lo qu'esmolez a los ciudadanos. En El Nodo, como vamos ver, dixo Rañón, va venir el presidente d'Asturies, col so habitual despliegue propagandísticu a entregar les viviendes, cuando tendría que tar fechu haz tiempu. Fernando Díaz Rañón, recordó que Laura González, candidata d'IX-BA-Verdes al congresu de los diputaos, foi l'artífice d'estes viviendes, qu'incluí tamién la construcción de viviendes por derechos de superficie, que tamién tan ensín entregar.
Pa Izquierda Xunida d'Uviéu el silenciáu proyectu de les dos torres de SEDES en San Lázaro, qu'agora sal a la lluz, pon una vez más de manifiestu'l pactu selláu ente'l Presidente del Principáu y l'Alcalde d' Uviéu pa sacar dineru mediante la especulación urbanística. “Esta alianza incluí la connivencia por parte d'Areces con los atentaos urbanísticos de Calatrava en Buenavista ya'l Vascu, les recalificaciones del Cristo ya'l pactu sobre los terrenos de la Vega. Los dos necesiten dineru con urxencia por mor de los sobrecostes de les sos xestiones y punxéronse d'alcuerdu para financialos a costa de tolos ovetenses”, afirmó Alejandro Suárez coordinador d'IX d'Uviéu. Suárez señalen que “esti ye'l verdaderu cercu a Uviéu, el de los rascacielos de la especulación que mos dexen ensín ciudá. Ye una metástasis que tenemos que detener.”
NUN HAI ACTOS PREVISTOS
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies
