Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

  • Primera Página
  •   Página Anterior

Rueda prensa
Presentación de la dirección política d'IX d'Uviéu

Día: Llunes, 24 setiembre de 2007
Llugar: Sé d'IX d'Asturies (Plaza de América, 10, 4º, Uviéu)
Hora: 11.30 hores

Asuntu: Presentación de la dirección política d'IX d'Uviéu

Comparece:

  • Jesús Iglesias. Coordinador Xeneral d'IX d'Asturies.
  • Alejandro Suárez. Coordinador d'IX d'Uviéu.

LES AYUDES AL ALQUILER ANUNCIAES POL GOBIERNE DEL PRINCIPÁU TAN POR DEBAXO DE LOS COMPROMISOS DEL PLAN AUTONÓMICU DE VIVIENDA 2006-2008

Declaraciones de Jesús Iglesias, portavoz d'IU-BA-Verdes na Xunta Xeneral del Principáu y Coordinador Xeneral d'IU d'Asturies

Igual que les midíes d'ayuda al alquiler de viviendes anunciaes a bombu y platillu pol Presidente Zapatero tan dalguna midía por debaxo de les previsiones del Plan de Vivienda de l'anterior Ministra del ramu, les midíes complementaries qu'aprobó'l Conseyu de Gobiernu del Principáu nel Conseyu de Gobiernu del xueves suponen tamién un recorte sobre los conteníos del vixente Plan Autonómicu de Vivienda fechu pola Conseyería qu'ostentó Izquierda Xunida la pasada llexisllatura.

Comida-homenaxe a Laura González

Día: Xueves, 20 setiembre de 2007
Llugar: Sidrería Tierra Astur, Colloto (Antigua Fábrica del Águila Negra)
Hora: 15 hores

Asuntu: Comida de homenaxe a Laura González, ex Conseyera Vivienda y Bienestar Social, impulsáu por trabayadores de la Conseyería y persones del movimientu asociativu.

Desarrollu de los parques eólicos en Santalla d'Ozcos

Día: Xueves, 20 de setiembre de 2007
Llugar: Casa Cultura, Santalla d'Ozcos
Hora: 14.00 hores

Asuntu: Desarrollu de los parques eólicos en Santalla d'Ozcos

Comparece:

  • Francisco Javier García Valledor, diputáu d'IX-BAVerdes na Xunta Xeneral
  • Antonio Riveras, alcalde de Santalla d'Ozcos

García Valledor alvierte de la contradicción de declarar los Oscos Reserva de la Biosfera y siguir instalando parques eólicos

El diputáu d'IU-BA-Verdes asegura que l'estudiu d'impactu ambiental del parque de Grallas, en Villanova d'Ozcos, caducó y tien qu'aniciase cola so tramitación de nuevu Francisco Javier García Valledor, diputáu d'IU-BA-Verdes na Xunta Xeneral del Principáu, encargáu d'asuntos mediuambientales, y Antonio Riveras, alcalde de Santalla d'Ozcos ufrieron, esta mañana na Casa de Cultura de la capital del conceyu, la so valoración sobre'l desenrrollu y la política de parques eólicos de la comarca. El diputáu d'IU-BA-Verdes puso de manifiestu la contradicción que supón la declaración de los Ozcos como Reserva de la Biosfera y la instalación nel so terrén d’abondos parques eólicos.

PSOE y PP utilizen el 'rodillu' na Xunta Xeneral escontra IU-BA-Verdes

Los partíos mayoritarios dexen ensin representación a la coalición en diferentes conseyos

PSOE y PP alcuerden escluir a IU-BA-Verdes de los muérganos de representación de diferentes instituciones y organismos públicos. Asina lo denunció Noemí Martín, diputada d'IU-BA-Verdes na Xunta Xeneral del Principáu, esta mañana. Los dos partíos mayoritarios utilizen 'el rodillu' parlamentariu pa escluir a la coalición del Conseyu Social de la Universidá, del Conseyu Rector de la Orquesta Sinfónica del Principáu d'Asturies, de la Xunta de Gobiernu del Muséu de Belles Artes d'Asturies, del Conseyu d'Accesibilidá y Supresión de Barreres Arquitectóniques y del Conseyu d'Agroalimentación del Principáu, rompiendo asina una tradición na Xunta Xeneral que garantizaba una representación plural.

El Centru Sociu-Sanitariu de Llangréu nun cumple colos conteníos, la inversión, la ubicación, plazes y xestión avanzaos col Ministeriu por IU-BA

El grupu parlamentariu d'IU-BA-Verdes na Xunta Xeneral del Principáu ve con preocupación y decepción el conveniu firmáu ayeri pol Ministru Caldera, el Presidente Areces y l'Alcaldesa de Llangréu, pa la construcción del Centru de Discapacitaos de Llangréu. Pa la diputada Noemí Martín el documentu rubricáu supón un desaniciu con respecto al conveniu ellaboráu y firmáu pol mesmu ministeriu y la Conseyería de Vivienda y Bientar Social -dirixía por IU- en xunetu de 2006 en conteníos, inversión, ubicación, plazes y xestión, y tamién con respecto a los avances posteriores na concrección de la infraestructura.

Valledor solicita información al Gobiernu a la lluz de les declaraciones de Gutiérrez Granda

El diputáu d'Izquierda Xunida, Bloque por Asturies, Los Verdes y portavoz de cultura d'esi grupu parlamentariu na Xunta Xeneral del Principáu, Francisco Javier García Valledor, anunció güei una batería d'iniciatives parlamentaries en rellación coles declaraciones del ex Direutor Xeneral de Deportes, Daniel Gutiérrez Granda nes que denuncia la intención de los responsables de la Conseyería d'ufierta-y un “sueldu fantasma pa desenrrollar responsabilidaes que nun hai ”.

Ángel González, nuevu Secretariu d'Organización y Finanzes d'IU d'Asturies

La Comisión Executiva d'IU d'Asturies decidió na reunión d'esta tarde'l nombramientu de Ángel González Álvarez, ex Viceconseyeru de Bientar Social, como Secretariu d'Organización y Finanzes de la coalición, tres el fallecimientu de Guillermo Ballina. Del mesmu mou, nesta reunión diose'l vistu buenu al relevu de Melania Álvarez, como responsable de Comunicación, pa que se dedique de lleno a les sos nueves responsabilidaes de gobiernu nel Ayuntamientu de Carreño como segunda Teniente d'Alcalde y responsable de Medioambiente, Infraestructures, Ordenación Territorial y Vivienda, que va permanecer como miembru de la executiva. Nel so llugar va facese cargu de Comunicación, Pablo Prieto Fernández, quien tamién va desenrrollar la llabor d'Adxuntu al Secretariu d'Organización.

Iglesias espón los conteníos “ineludibles” del futuru alcuerdu de concertación social pa da-y rempuesta a la realidá d'Asturies

El Coordinador Xeneral d'IU d'Asturies, Jesús Iglesias, ufrió la so valoración sobre'l procesu aniciáu pol Gobiernu del Principáu y los axentes sociales p'algamar una nueva concertación social y la firma de los alcuerdos d'inversión de los fondos mineros. IU d'Asturies valora de forma mui positiva la concertación social, nuna llexislatura na que la coalición nun ta nel Gobiernu. Iglesias manifestó la so disposición, si asína lo consideren oportuno los axentes sociales, a mantener alcuentros pa compartir con IU conteníoa de la concertación y tamién p'avanzar lo que, al so xuiciu, tendríen que ser conteníos “ineludibles” para da-y rempuesta a la realidá d'Asturies.

  • Primera Página
  •   Página Anterior

Compartir

2014 Izquierda Xunida d'Asturies - Política de privacidad - Política de cookies