Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

  • Primera Página
  •   Página Anterior

La Comisión Executiva d'IX d'Asturies mantuvo na tarde de güei una reunión na qu'analizó los resultaos electorales del 9-M.

La Executiva d'IX considera que "tuvimos unos resultaos insatisfactorios. Marcámonos l'oxetivu de condicionar la política del próximu gobiernu tres estes eleiciones pa garantizar más izquierda nesti país y nun lo algamamos. N'Asturies propunxímonos recuperar el diputáu d'IX y tampoco lo algamamos. Reconocemos el nuesu fracasu".

Cada votu a IX-BA-Verdes contribuye a que'l PP tenga un diputáu menos n'Asturies
IX-BA-Verdes afirma que "el votu útil ye'l votu escontra la derecha asturiana y escontra la mayoría absoluta del PSOE".

IX-BA-Verdes llanzó un nuevu "mailing" al traviés de miles de correos ellectrónicos y mensaxes sms nel que difunde un vídiu de cásique 4 minutos nel que se demuestra la insolvencia de la derecha española a la que tol mundiu ve como perdedora y recuerda les consecuencies de les mayoríes absolutes socialistes.

El PSOE imita la política social que'l PP desendolca n'otres comunidaes autónomes: recorta'l gastu social y privatiza servicios públicos

Izquierda Xunida d'Asturies considera que'l discursu demagóxicu ye patrimoniu esclusivu de los responsables socialistes de la Conseyería de Bietar Social. Dende qu'entamaron con esta responsabilidá el xiru a la derecha en la política social ye evidente. Falt-yos tiempu pa cuestionar importantes derechos sociales, como'l Salariu Social. Y de les pallabres pasaron a los fechos: en política, les prioridaes tradúcense en presupuestos y el so proyectu de presupuestos pal 2008 suponía un recorte de nada menos que 6 millones d'euros pa crear nueves plazes de residencies públiques al traviés del ERA, con respectu al presupuestu del 2007. Colos nuevos responsables socialistes nesta Conseyería el dineru empobináu a financiar los servicios sociales municipales recortose otru 19%, por nun falar de los recursos pa financiar otros programes sociales al traviés de les organizaciones non gubernamentales.

Balance primer selmana de campaña

Ángel González: “Somos los únicos que falamos de los problemes de la xente. El PP optó pola campaña de la boina y el PSOE nun sal de la so sede. Todos sabemos qué intereses defiende Gabino de Lorenzo, pero ye urxente clarificar qué intereses va defender el candidatu socialista dende'l so escañu”

Suárez felicítase pola decisión del Alcalde de renunciar a les “trillizes” y espera que nun responda a una táctica ellectoral

Alejandro Suárez, Coordinador d'Izquierda Xunida d'Uviéu, felicitose güei porque l'Alcalde de la ciudá, Gabino de Lorenzo, "supo rectificar a tiempu y dar marcha atrás nun proyectu irracional como les trillizes de Calatrava, dándose cuenta del claru sintir mayoritariu de la ciudadanía”. Suárez recordó que la so organización había dicho haz ya dalgunos díes “que ye un clamor que les torres nun puen levantase, y cuanto antes s'asuma y se-y dea carpetazu a esti asuntu enantes mos podremos dedicar toos, y el gobiernu municipal el primeru, a resolver los problemes de la xente na nuesa ciudá”. Suárez añadió qu'espera que la decisión del Alcalde sía definitiva y nun sía frutu d'una táctica electoral.

Ángel González: “Cuesta tien qu'aclarar a quién defiende: a los especuladores o a la xente”

El secretariu d'organización d'Izquierda Xunida d'Asturies, Ángel González, afirmó que “la imaxen que tan ufriendo los socialistes asturianos nesta campaña electoral ye llamentable. Agora enllenen la boca diciendo que van defender los intereses de los más desfavorecíos pero cuando hai que moyase, como siempre, miren a otru lláu”.

Valledor: “la foto de Carcedo nun coche híbridu ye la imaxen de la demagogia en estáu puru”

El diputáu d'IX-BA-Verdes na Xunta Xeneral del Principáu d'Asturies, Francisco Javier García Valledor, destacó güei que “al ministru de Defensa falto-y tiempu pa criticar el trazáu Sama-Velilla en cuanto abandonó Asturies. Equí nun tuvo'l coraxe de dicir lo que piensa y dexar n'evidencia que la FSA son el sector más cavernícola del PSOE en política medioambiental. Nun dexa de ser llamentable la imaxen qu'ufren los socialistes asturianos. Ayeri faen la semeya con un coche híbridu los mesmos que pretenden acometer los mayores atentaos medioambientales de la hestoria reciente d'AsturiEs. Que al volante d'esi vehículu vaya María Luisa Carcedo, la mayor defensora de Caliao o de la incineradora de Serín, nun dexa de ser la meyor imaxen de la demagoxa de la FSA nesti asuntu”.

El pobre balance ufríu ayeri confirma'l caos na Conseyería de Bientar

Pa IX -colos datos ufríos ayeri pola propia conseyera de Bientar Social, nel qu'apenes si 398 grandes dependientes, de los 8.269 que tienen reconocía una dependencia grave o severa, reciben prestaciones de la Llei de Dependencia- confirma'l monumental colapsu qu'existe na Conseyería de Bientar Social. L'equipu qu'encabeza Pilar Rodríguez entamó cuestionando públicamente conquistes sociales como'l salariu social. Los asturianos tuvieron la ocasión de comprobar a los pocos díes de ser nomaos que l'equipu que dirixe les polítiques sociales defendía posiciones polítiques propies de la derecha. Si bien foi una primer señal d'alerta, a los pocos meses entamamos a constatar que Pilar Rodríguez nun representaba namái un xiru a la derecha sinón que tamién representaba un equipu incapaz de xestionar les polítiques sociales. Lleven un añu al frente de la Conseyería y namái se fala d'ellos utilizando conceutos como atascu, colapsu, desgobiernu....

Valledor: “Areces pue y tien que parar l'aberración urbanística que suponen les trillizes de Calatrava”

El diputáu d'IX-BA-Verdes na Xunta Xeneral del Principáu d'Asturies, Francisco Javier García Valledor, emplazó al Presidente del Gobiernu d'Asturies, Vicente Álvarez Areces, a “paralizar, de forma inmediata, la barbaridà urbanística que suponen les trillizes de Calatrava. Ye una auténtica aberración y el Principáu nun pue ser cómplice. La COUTA pue, y tien que, paralo. Hai que poner orden y garantizar l'interés xeneral por encima de los interés de cuatro”.

Valledor: “Afortunadamente la FSA nun pinta nada dientro del PSOE, son el sector más carvenícola en polítiques mediuambientales”

El diputáu d'IX-BA-Verdes na Xunta Xeneral del Principáu d'Asturies, Francisco Javier García Valledor destacó'l “conflictu qu'hai ente la FSA y el Partíu Socialista de Llión. Una vez más los asturianos tenemos la oportunidaá de comprobar que los dirixentes de la FSA constituyen el sector más cavernícola de tol Partíu Socialista no que a polítiques medioambientales se refier.

  • Primera Página
  •   Página Anterior

Compartir

2014 Izquierda Xunida d'Asturies - Política de privacidad - Política de cookies