La eurodiputada Ángela Vallina denuncio güei en Grau l'amenaza del tratáu de llibre comerciu trasatlántico (TTIP) pal sector agroganadero asturianu, polo que reclamó una toma de conciencia colectiva que dexe detener un modelu que namá va beneficiar a grandes esplotaciones industrializaes.
La parllamentaria asturiana participaba na xornada la crisis del sector lácteo asturianu, nel contestu européu internacional", entamaes pol grupu de la Esquierda Unitaria Europea/Esquierda Verde Nórdica (GUE/NGL) del que forma parte Izquierda Xunida, na que, a lo llargo del día de güei va aldericase sobre la situación de les ganaderíes de lleche n'Asturies y Europa, y van plantegase alternatives que dexen la so viabilidá futura,
El peligru del TTIP ye entá mayor pa los sectores lácteos y ganaderos tradicionales, yá que llega precedíu por un arrenunciu de la Unión Europea, a garantizar el modelu tradicional d'esplotaciones agrícoles, entendíes non solo qu'elementu de producción d'alimentos calidable, sinón tamién como elementos claves pal caltenimientu de la redolada. "esta xornada haber fechu por cuenta de la importancia de lo que significa la desapaición, dientro de la política agraria de la Unión Europea, la desapaición de les cuotes lácteas. Tou ta enfocáu a les negociaciones que se tán faciendo del Tratáu Tresatlánticu, el TTIP, onde se va a esaniciar toa política, la poca política pública que quedaba con estes subvenciones, de cara a favorecer, como siempres, a les multinacionales".
Y ye que come que TTIP les esplotaciones asturianes, como otres del restu de la Unión Europea, van tener que competir, coles grandes granxes norteamericanes, auténtiques industries capaces d'encher tolos mercaos n'esplotaciones industrializaes de producción d'alimentos. La mayor calidá de la lleche o la carne de la esplotación tradicional supon tamién un costu bien cimeru polo que, esplicó Vallina, lo que se pon en xuegu ye tou un modelu, que va dir apareyáu a un despoblamientu, entá mayor, de les zones rurales.
Na xornada, amás de la eurodiputada asturiana, participaba l'eurodiputáu portugués Miguel Viegas, quien pintó un panorama complicáu pa la supervivencia de les esplotaciones tradicionales, ante la falta d'una política agraria común imprescindible pal sostenimientu del modelu de producción familiar y calidable.
Pela so parte l'espertu nel sector lácteo, Gerard Choplin, denuncio la destrucción per parte de la unión europea de les polítiques lácteas, con consecuencies de tales pa la xestión de les esplotaciones tradicionales que se traducieron na desapaición de miles d'esplotaciones llecheres, n'Asturies, España y Europa.
La xornada, qu'arrincó esta mañana, va siguir esta tarde coles intervencionesde la diputada autonómica del responsable de mediu rural d'IX, Maria Jose Miranda IX, y de la Secretaria Xeneral de COAG Asturies, Mercedes Cruzáu.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies