IX d'Asturies recuerda a los abogaos de Atocha y rinde homenaxe al so llabor
Llamazares estiende'l tributu a lo meyor de la dómina, a la bona política, la de la movilización y el diálogu y la defensa de los derechos social y llaboral
IX d'Asturies rinde homenaxe a los abogaos d'Atocha cuando se cumplen 40 años del so asesinatu. Tanto'l Coordinador d'IX d'Asturies, Ramón Argüelles, como'l voceru parlamentariu na Xunta Xeneral, Gaspar Llamazares recordaron a los abogaos asesinaos como un referente na llucha social y llaboral.
Ramón Argüelles recordó qu'IX siempres va tar con persones como ellos y cola xente a la que representen, “güei más que nunca cuando se retayen los derechos llaborales y les persones sufren situaciones bien precaries””. A esti sinceru respetu y homenaxe, como lo definió Argüelles, añedió Llamazares que l'homenaxe faise estensible non solo a los cinco abogaos llaboralistes asesinaos en 1977 y los sos compañeros de despachu, na llucha de los demócrates frente a los rescoldos de la Dictadura, sinón a l'alcordanza de “lo meyor d'aquella dómina, la bona política , la política que combina la movilización y el diálogu, la defensa de los derechos social y llaboral, güei conculcados por casu cola contrareforma llaboral, y recordando los derechos civiles, la democracia, tamién amordazada cola llei mordaza o l'artículu 315 del Códigu Penal que dexa encarcelar a los sindicalistes”. Llamazares considera qu'esti ye un bon momentu pal homenaxe y tamién pa la reivindicación.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies