Menu

Editáu por IX d'Asturies ya IX de Grau supon una repasada a les polítiques y la so execución dende los entamos de la democracia hasta 2007

El próximu vienres día 17 de marzu a les 19:30 h., na Casa de Cultura de Grau/Grau, Izquierda Xunida d'Asturies ya Izquierda Xunida de Grau entamen un actu de presentación del llibru Grau: Un faer políticu municipal, de José Sierra, alcalde del conceyu demientres 24 años.

El llibru escritu por Sierra recueye nuna perspectiva político y personal y, consecuentemente, suxetiva, del procesu de modernización y progresu del Conceyu de resultes del gobiernu del Grupu Municipal d'IX/PCA a partir de la Democracia, ente 1979 y 2007. Tratase d'una visión en primer persona con datos y resumes que dan testimoniu de la política d'IX y la so repercusión nel paisaxe y la vida local. Pepe Sierra, qu'en 1979 llegó a l'alcaldía col sofitu del 80% de los votantes, repasa nuna decena de capítulos los años que van dende l'entamu de la democracia hasta les elecciones de 2007 al traviés de les ideguees y les polítiques que dexaron la consecución d'infraestructures, equipamientos y servicios, dende los espacios culturales, a los sociu-asistenciales, deportivos, verdes, industriales o aquellos rellacionaos cola calidá de vida nos espacios rurales.

La edición cunta col sofitu gráficu de les fotografíes realizada por José Antonio Sánchez.

Pepe Sierra, autor del llibru, va realizar la presentación acompañáu de Ramón Argüelles, Coordinador de IU Asturies y José Luis Trabanco, Alcalde de Grau/Grau.

Va Presentar l'actu'l Coordinador d'IX Grau, Isaías González