Nacionalizar el carbón ye la meyor vía pa defender el sector.
El coordinador d'IX Asturies, Ramón Argüelles, aseguró güei que la propuesta d'IX para nacionalizar el carbón "ye la meyor vía pa defender el sector como un recursu estratéxicu", garantizando amás xunas condiciones dignes y segures dende la perspectiva llaboral.
La nacionalización va dexar dixo, "utilizando un símil, nun dexalo en manos de pirates, sinón qu'al aviesu, quitar el botín, quitar los galeones y que los trabayadores tengan unes condiciones de trabayu dignes y que'l carbón como recursu enerxéticu sía un recursu de toos y de toes". IX presentó nel Congresu de los Diputaos una Proposición non de Llei qu'inclúi, amás de la nacionalización, un plan de reactivación de les contornes mineres, o la realización d'auditoríes sobro fondos mineros yá executaos. La PNL que llueu s'aldericará nel Parlamentu Nacional, supera a otra tamién impulsada por IX na Xunta Xeneral del Principáu, na que s'encamentaba al Gobiernu Autonómicu a dirixise al Central pa la nacionalización de les esplotaciones del sur occidente asturianu. Esa iniciativa llogró salir alantre colos el votu favorable de Podemos, PSOE y Foro que sofitaron la propuesta d'IX.
NUN HAI ACTOS PREVISTOS
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies
