El diputáu d'IX considera la situación de la empresa ye desaxeradamente grave
Ovidio Zapico, diputáu d'IX, pidió güei al executivu asturianu que lleve a la Fiscalía l'Auditoría realizada a Sogepsa y unviada al Parlamentu la selmana pasada. A xuiciu del representante d'IX esa auditoría de los postreros 9 años amuesa “fechos bien esmolecedores”, ente ellos lo que socedió na redolada del Prau de La Vega, onde ve “posibles nicios de delitos”. Esta afirmación realizarala'l diputáu dempués d'enmarcar la situación de la empresa del suelu como “alarmante, desaxeradamente grave” na que se confunde'l caos, la desorientación y la inacción del Gobiernu.
Zapico preguntó al Conseyu de Gobiernu sobro cuándo tien previstu presentar énte la Cámara'l valor accionarial en Sogepsa, pregunta que Dolores Carcedo, conseyera de Facienda, aseguró que va tar pa mediaos d'agostu, una vegada que la empresa axudicataria realice l'estudiu axudicáu estos díes. Aprofió'l diputáu d'IX que'l valor accionarial de Sogepsa ye tanto como lo que pagó Santander pol Banco Popular, porque Sogepsa trai xuna mochila de munchos millones de déficit. “IX nun va consentir socializar les perdes, pero tampoco perder una plantiya con esperiencia que puede ser bien útil pa desenvolver proyectos como l'área central, los polígonos industriales por desenvolver o'l suelu residencial, que nun pueden ser campera d'eses deldes”. Zapico repitió qu'IX considera que Sogepsa ten de ser 100% pública.
A lo último, Zapico duldó de que colos plazos que remana'l Gobiernu, incluyíos los de la valoración accionarial, a la Unión Europea nun se-y acabe la paciencia. “¿Nun piensa usté que col requerimientu de la UE sía bien tarde yá pa empecipiar esti procesu?, ¿Hai dalgún plan B pa garantizar el suelu públicu o se va a fiar al plan accionarial, va faer un segundu cambéu de la Llei?, preguntó a la Conseyera de Facienda.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies