El voceru d'IX denuncia que la Conseyería nun tien nin nueves idees nin proyectos
Gaspar Llamazares, voceru parlamentariu d'IX na Xunta Xeneral, y Marta Pulgar, diputada responsable de Sanidá nel grupu, punxeron de relieve esta mañana que nengún grupu de la Xunta Xeneral conoz el proyectu de llei de salú que'l Conseyeru dio a conocer al traviés de los medios de comunicación. Por estes informaciones, Llamazares alvirtió que'l mesmu refuga los asuntos más importantes de la sanidá asturiana, ente los que s'atopa la reforma de la estructura sanitaria d'Asturies, porque escarez de capacidá pa esplicala a l'alministración local, profesionales o pacientes; tamién aseguró que la Conseyería vive de xestes pasaes, de l'atención primaria o de la salú mental que foi pionera, pero que nestos momentos nun tien nin nueves idees nin proyectos pa poner en marcha”, alvirtió.
A xuiciu de Llamazares la Conseyería de Sanidá dedicóse a completar la estructura organizativa de la mesma conseyería nos postreros dos años. Llamazares preguntóse: "¿qué ye lo que quier el conseyeru que suponga la nueva llei de salú?, sacantes poner un celofán a l'actual xestión sanitaria”, porque nun esiste refundación de l'atención primaria, nun hai llei de salú pública y en llistes d'espera, aseguró. IX ta esperando inda estos asuntos.
Pa Llamazares el Gobiernu presenta la llei de salú, clandestina, ensin que naide sepa qu'esiste nin un borrador, esplicó'l voceru d'IX. Recordó que ye una materia con competencies propies y qu'ocupa gran parte del presupuestu. Nesti sentíu, reclamó una propuesta de revitalización y de cambéu de la sanidá asturiana. “Esmoleznos evidentemente porque ye xuna de les materies más importantes”, dixo Llamazares.
“Esti Gobiernu tien de solmenase la mormeyera y compartir el proyectu qu'impulse y anueve el sistema sanitariu”, dixo dempués de caltener una xunta cola asociación de pacientes de salú mental Hierbabuena y poner de relieve que tampoco esiste un Plan de Salú Mental.
Llamazares apuntó que xuntu coles temes d'asuntos sociales que se tán axustando con Podemos, n'Asturies esisten trés grandes asuntos de futuru a falar: la ordenación del territoriu y el medioambiente, la tresferencia de la investigación a la economía y los servicios públicos, ente los que s'atopa'l mentáu rescate social al traviés d'una llei de derechos mínimos, y en materia sanitario ye necesariu recuperar non solo dende'l puntu de vista presupuestariu o de personal, sinón d'anovar el proyectu de sanidá pública.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies