La decisión de dedicar el CTI a un supuestu programa de primeros episodios ye un nuevu despropósitu del Gobiernu, asegura Marta Pulgar
Marta Pulgar, diputada d'IX na Xunta Xeneral, alvierte de que la decisión de la Conseyería de Sanidá de dedicar el CTI (Centru de Tratamientu Integral) de la Corredoria a un supuestu programa, qu'inda ta por ellaborar, de primeros episodios ye un nuevu despropósitu del Gobiernu en materia de salú mental n'Uviéu. A xuiciu de la diputada responsable de Sanidá na Xunta Xeneral, el Gobiernu del Principáu confunde l'atención a pacientes en situación aguda cola rehabilitación que güei se realiza nel CTI.
El centru integral de La Corredoria, con más de cien pacientes en planta, consulta o centru de día ye una parte esencial d'unu de los programes básicos del sistema: el programa d'atención a enfermos mentales graves, asegura Pulgar. L'atención a primeros episodios pola so naturaleza preventiva y d'atención a episodios agudos tien d'allugase na puerta d'entrada del sistema, esto ye, nos centros de salú mental. Con esti nuevu programa qu'agora anuncia la dirección de Salú Mental, que lo espubliza como la creación d'un equipu d'atención precoz al primer biltu psicóticu, "volvemos al vieyu modelu asistencial para los pacientes más graves y a la primacía de l'atención a agudos, médicamentalizada y desconectada de l'atención comuñal".
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies