Menu

La diputada ve los signos d'influencia d'IX en munches de les partíes de la Conseyería de Presidencia y Participación Ciudadana

Concha Masa, diputada d'IX na Xunta Xeneral, responsable de los asuntos relativos a Presidencia y Participación Ciudadana , sorrayó l'interés d'IX d'aprobar estos presupuestos qu'anque “ameyorables son positivos”, y tienen calter espansivu ya inversor. Sicasí, esplicó que magar esi vagar d'IX, el sofitu depende del compromisu del Executivu para estenar incertidumes, xenerar enfotu y ser convincentes. “L'oxetivu fundamental d'IX ye consiguir un xiru escontra la esquierda nes polítiques del nuesu gobiernu autónomu”, dixo Masa. IX aprecia nel presupuestu los signos d'influencia d'IX en munches de les partíes contemplaes.

Por casu nel apartáu de Cooperación al Desenvolvimientu gocia d'un importante aumentu, de 300.000 euros, esto ye, alredor d'un 7% respectu al añu pasáu, “frutu de la presión de la nuesa organización”, anque tien una dotación presupuestaria que s'atopa entá bien llueñe del 0,7% de los recursos propios del Principáu, como marca la mesma Llei de Cooperación del Principáu.

Masa destacó les meyores nel terrén de la Igualdá ente Homes y Muyeres y na Llucha contra la Violencia machista, tarrenes ambos nos qu'IX caltuvo siempres la posición claro y batalloso. “Participemos de manera bien activa nel diseñu del Pactu Social contra la Violencia sobro les Muyeres y tamién, apocayá, nel alderique del II Plan d'Igualdá del Principáu, que na so ameyora plantegamos una batería de propuestes ellaboraes en collaboración con un ampliu equipu d'espertos en materia d'Igualdá”, recordó Masa. A pesar de ver contemplaes nestos presupuestos dalgunes de les iniciatives y midíes del Plan, IX va siguir vixilante, sicasí, nel desenvolvimientu d'un auténticu Plan específicu d'Igualdá pa l'Alministración del Principáu, qu'hai de tar sofitáu necesariamente nunes Unidaes d'Igualdá que, dende caúna de les Conseyeríes, exerzan estos llabores de siguimientu y control que defende IX.

Tocantes a les polítiques de la Mocedá, IX atopales un tanto deficitaries. “Cuidando que la mocedá ye un bien bastante escasu na nuesa comunidá autónoma convendría faer apuestes más decidíos pola so recuperación, por aciu programes pa facilitar la emancipación, pa fomentar la so torna o'l cooperativismu”, alvirtió.

Plan Demográficu. “Toos somos conscientes de la urxencia d'implementar midíes concretes y eficaces pa dir reivindicando l'alarmante enclín demográficu qu'esperimente la comunidá autónoma, pero nun vemos bien clares les polítiques del so Gobiernu. “Anque non toles midíes dependan de la so Conseyería, si riquen, pela so parte un impulsu claru y xuna coordinación eficaz”, aseguró na Comisión.

Nesa llínea, incidió, una vegada más na necesidá d'estender a tolos conceyos la ufierta de places educatives pa la etapa de 0 a 3 años, el caltenimientu de les escueles rurales, les facilidaes pal tresporte, l'acercamientu de los servicios y la promoción d'iniciatives pa moces na redolada rural.

Nel capítulu de Xusticia, a IX complaz-y ver reflexaos nel Presupuestu los alcuerdos a los que llegó apocayá esta Conseyería colos representantes de el trabayadores de Xusticia a efectos de remuneraciones y complementos. Entá asina, Masa nun cree qu'a partir d'estes inversiones resuélvanse al curtiu plazu los grandes defectos que carez la Xusticia asturiana, “tanto no que se refier a les sos instalaciones, a la reorganización d'espacios y d'arquivos, como al personal”.

Tienen de tener reflexu presupuestariu, de la mesma, “grandes meyores democrátiques” que se tán xestando per mediu de lleis concretes que la so aprobación espera IX que sía inminente, como son la Llei de Tresparencia y Participación o la Llei Trans, de reconocencia y protección de la identidá sexual de les persones.