Ovidio Zapico, énte un nuevu corte del ferrocarril col Pandu, esixe l'apertura de la Variante pa dar fiabilidá al tresporte de viaxeros y mercancíes
Ovidio Zapico, diputáu d'IX na Xunta Xeneral, responsable d'Infraestructures, alvierte de la necesidá apremiante d'abrir la Variante Ferroviaria de Payares al tráficu de viaxeros y mercancíes, cuidando que l'actual trazáu nun cumple les mínimes condiciones de seguridá y fiabilidá. Güei Asturies atopase con un nuevu problema de comunicación col Pandu al traviés del ferrocarril, por una avería na catenaria producida por un tren de mercancíes, pero más allá de la causa de l'avería esta situación demuestra que'l trazáu ferroviariu actual nun garantiza les condiciones mínimes de seguridá y fiabilidá pal tránsitu de mercancíes nin de viaxeros, sostien el diputáu d'IX. “Apura abrir yá la Variante Ferroviaria de Payares por que puedan transitar por ella los trenes de viaxeros y de mercancíes. Lo contrario ye condergar a Asturies, a los pasaxeros qu'usen el tren, y a les mercancíes, a faelo nunes condiciones decimonóniques qu'en nengún casu merécense”.
Pal diputáu d'IX el Noroeste español carez d'unes graves faltes en materia d'infraestructures, sobremanera ferroviaries, y a IX topéta-y abondo que nel cume de presidentes de Galicia, Castiella y Llión y Asturies nun s'encetara esta tema. “Ye un asuntu que nós creemos que tien de ser prioritariu”, sostién. IX fai especial fincapié al Gobiernu de Javier Fernández por que convoque l'Alianza Social y Política poles Infraestructures, con calter urxente. “Un día son les llínees de llarga distancia y el día anterior les cercaníes de FEVE, pero lo que s'asocede ye un esbarrumbe día ente día que creo que nun tien nome”, clama Ovidio Zapico. “Na Alianza tien d'aldericase y tomar decisiones con calter urxente”, aprofia'l diputáu d'IX.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies