La diputada d'IX valora l'aumentu na prevención de quemes o la medría de la concentración parcelaria pero echa de menos la DOP pala escanda o un Plan Forestal
María José Miranda, responsable dientro del grupu parlamentariu d'IX de los asuntos de Desenvolvimientu Rural y Recursos Naturales, aseguró esta mañana tar énte unu de los meyores presupuestos, tocantes al so estáu numbéricu, d'esta llexislatura. Sicasí, la diputada d'IX punxo en dulda la xestión que pueda realizar la Conseyería de Desenvolvimientu Rural y Recursos Naturales del mesmu. “Qué bon presupuestu si hubiera una bona xestión”, alvirtió Miranda.
La diputada d'IX reconoció qu'hai una repartida equilibrada ente les distintes direcciones xenerales, y tamién ente la inversión, la innovación y la modernización del sector. “Vemos lluces pero tamién dalguna solombra”, esplicó na fixación de posición na presentación de les cuentes por departamentos nel Parlamentu asturianu. Ente les lluces tocantes a númberos y llínees, IX valora l'aumentu en prevención de quemes, daqué que la coalición lleva tiempu demandando, según la medría na concentración parcelaria, pero gustaríanos que se priorizara la concentración forestal frente a la ganadera., porque cumple dos funciones fundamentales: la rentabilidá de montes y la prevención de quemes”. El sofitu al sector ganaderu vese reflexáu na medría pa incorporación y modernización, pero solamente va ser una pilastra si les convocatories sáquense en tiempu y forma y si cubren toles necesidaes y solicitúes, dixo Miranda. Tamién coincidió cola conseyera María Jesús Álvarez en resaltar la bonificación de préstamos al sector agrariu pol calter social que se reflexa, pero, dixo Miranda, “el papel tou aguantar y la xestión ye onde vemos les solombres”.
Al respective de eses solombres, IX tarrez que la inercia y continuismu imponense a la ilusión y a les intenciones d'entainar tolos trámites que mentó en tola mañana. “IX siempres foi constructiva y considera que ye meyor tener presupuestu que nun tenelo. Nun ye intención de bloquiar lo que puede ser una meyora tocantes a númberos pero depende del so compromisu pa estenar incertidumes y rocees que quedaron a lo llargo de la mañana”, aseveró na penúltima comparecencia de presupuestos. IX sigui echando de menos, por casu, la DOP de la escanda, pero sobremanera tamién un Plan forestal que tome prevención y la rentabilidá sector, que ponga en valor tantu económicu como ambiental el potencial tan enorme que tien la comunidá autónoma y afite población.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies