Ángela Vallina y Aurelio Martín reivindiquen la necesidá de midíes pa dar respuesta a la polución atmosférica y marina
La eurodiputada Ángela Vallina solicitó al Comisariu de Mediu Ambiente una xunta pa falar de la contaminación atmosférica y marina en Xixón y la so aglomeración. La parllamentaria, xuntu al voceru de la formación en Xixón, Aurelio Martín, reivindicaron güei la necesidá de poner midíes que dexen acabar cola polución y cumplir coles esixencies europees en materia medioambiental.
Aurelio Martin reprochó la situación pola que pasa Xixón en cuestiones de contaminación, tanto atmosférica como marina, con emisiones d'agües residuales ensin tratar y ensin feches ciertes pa poner fin a esta situación..
La xunta pretende conocer de primera los datos que tresllade España al Comisariu de Medioambiente, quien riquió información sobro les midíes que se tán plantegando na llucha contra la contaminación en distintos puntos del territoriu nacional y, ente éstos, la área central d'Asturies. Amás, espérase conocer tamién qué midíes y les sos consecuencies nel casu de que la Comisión considere que se ta incumpliendo cola so reglamentación.
Ángela Vallina recordó que na Comisión de Pidimientos, de la que ye coordinadora, el mayor númberu de pidimientos que reciben provienen d'España y precisamente por problemes medioambientales. La diputada señaló que la Comisión ye "bien opaca", polo que ye necesario caltener la presión pa percanciar la información.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies