Alvierte de que'l sector eléctricu ye'l neñu consentíu de la política española y aprovecha les previsiones de transición enerxética y la división del Congresu pa faer prevalecer los sos intereses
Gaspar Llamazares, voceru parlamentariu d'IX na Xunta Xeneral, demanda la unidá social y político pa defender el futuru de la minería, la non devolución de les ayudes al carbón, y la permanencia de les térmiques. El consensu, a xuiciu de llamazares, tien de realizase frente a un sector eléctricu que “ye'l neñu consentíu de la política española y aprovecha les previsiones de la UE de transición enerxética” y, por otra, la división del Congresu para faer prevalecer los sos intereses. Llamazares, na so entruga al Presidente sobro qué midíes va tomar l'Executivu asturianu pa esti sector, sorrayó que'l zarru de les térmiques plantégase como una midida que va amontar entá más los beneficios “yá estratosféricos” de les empreses.
Llamazares repitió qu'IX n'Asturies ye partidaria d'una transición enerxética, non d'una rotura enerxética ya industrial, que “quiciabes ye lo que tán emponiendo a Asturies y a España”. IX defende la unidá de los grupos parlamentarios asturianos y, más allá, defende la unidá social y político, un frente común pa defender el futuru de la minería, la non devolución ayudes y tamién la permanencia de les térmiques, alvirtió'l voceru de la coalición. “Creemos que puede ser una midida consensu y lo acertao ye coordinase con comunidaes con problemes favorecíos”, aseguró.
Según el voceru d'IX ye necesaria una actitú firme del Gobiernu y del conxuntu fuercies polítiques y una coordinación estatal, porque quien fai política enerxética son los Gobiernos y l'español tien qu'afaer esa transición escontra una enerxía con menos carbonu y tien que garantizar los intereses sociales, llaborales, territoriales y ambientales.
El voceru d'IX apuntó que la industria enerxético considera que cerró la carpeta de les nucleares, porque ta garantizada, y tamién la de les hidroeléctriques porque aseguren que tienen derechu a revalidar les concesiones y solo fálta-y la de les termoeléctriques, onde tienen bien claro que'l zarru antemanáu de les térmiques supon qu'entra como enerxía de respaldu la combinada y, poro, aumenta los beneficios que yá son estratosféricos
Frente a esta situación, describió Llamazares, la industria española puede dicise que recuperaron lo que perdió na crisis, casi un 30% , pero tien evidentes problemes y debilidaes na so capacidá de recuperación porque sigue siendo bien poco eficiente en materia enerxético, y tamién tien problemes d'I+D+I, tien menos diversificación y menos productividá. N'Asturies, siguió'l voceru d'IX, esos problemes son particulares, ye xuna industria electrointensiva, porque precisa muncho componente enerxéticu. “Tamién tenemos problemes d'investigación, tamos na metá que la UE”, apuntó. A xuiciu de Llamazares ye “imprescindible evitar esti shock en materia enerxético”, porque amás Asturies ye esportadora d'enerxía. “Concretamente'l 60% d'esa enerxía qu'esportamos ye termoeléctrica”, sorrayó.
Pela so parte, Javier Fernández, Presidente del Principáu, defendió la continuidá de les centrales térmiques por considerar que se trata d'un sector económicu d'interés xeneral” formáu por empreses privaes. Al ser asina, refugó que les compañíes sían les que decidan “cuándo se cierra una instalación”. “Si nun quieren esplotar la planta, va haber otru operador que la ponga en marcha”, dixo en referencia a la térmica de Lada. Tamién anunció que’l conseyeru d'Industria va aconceyase en Bruxeles pa encetar estos asuntos, conscientes de les consecuencies que pue tener la devolución de les ayudes a la minería y el zarru de térmiques nel preciu de la enerxía y les “eventuales”deslocalizaciones que pueden derivase de dichu zarru.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies