Concha Masa, diputada d'IX na Xunta Xeneral, amosó'l sofitu del grupu al pidimientu de l’AMPA (Asociación de Madres y Padres) del Colexu Públicu d'Educación Especial de Latores de construcción d'un nuevu centru escolar que s'afaiga a les necesidaes de los neños, nuna parcela qu'axunte unes meyores condiciones d'accesibilidá y más céntrica.
IX, col restu de los grupos de la Xunta sacante’l PSOE, va roblar una Proposición Non de Llei pa sofitar esti pidimientu.
A esta xunta tamién asistió la conceyala delegada de Xestión del Patrimoniu, Estadística y Arquivu Municipal, d'IX n'Uviéu, Cristina Pontón, quien confirmó que’l so departamentu ta trabayando yá na cesión d'una nueva parcela a la Conseyería d'Educación pala construcción del colexu, terrén que tien de cumplir unes condiciones técniques específiques, y que tán valorando nestos momentos los técnicos municipales. Como esplicó la conceyala, el Conceyu podría tener disponibilidad de parceles nes zones de Montecerráu y La Florida. La decisión última va depender de la Conseyería, anque primeramente va ser consultada cola comunidá educativa.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies