Menu

La diputada d'IX preguntó cuándo y cómo va axustar cola parte social esa reorganización

Marta Pulgar, diputada d'IX na Xunta Xeneral, volvió amosar esta mañana nel plenu de la Xunta Xeneral la esmolición del grupu parlamentariu pola privatización de les places de operarios de servicios na ERA, pola eliminación de les places del grupu Y, y en concretu pola situación de trabayadores qu'agora realicen estes funciones, énte “los barruntos fundaos de que'l Plan de la Conseyería ye la desapaición del grupu Y en la ERA”, non asina nos centros de menores. En concretu, Pulgar recordó que son 127 los operarios de servicios y que la escusa del marcu estatal onde la tasa de reposición nun la dexaba, yá nun ye tal. Pulgar preguntó a Pilar Varela si va frenar “esta sangría”.

La diputada d'IX realizó xuna serie d'entrugues concretes que la Conseyera atayó nesta entruga nel plenu asegurando que nun tien d'esistir esmolición y que tán permanentemente axustando con trabayadores y que nun se fadrá nengún cambéu “que nun tenga l'alcuerdu colos trabayadores”. Pulgar esquizó ¿cuándo y cómo va axustar cola parte social esa reorganización”?, ¿Controlen les condiciones de les subcontrates que van desenvolver les funciones del grupu Y con un emplegu absolutamente precarizáu?; ¿ Qué aforru representa al ERA?; ¿va a homoxeneizar el conxuntu de servicios?; ¿van tener unes ratios de personal en base a qué criterios?.

La diputada recordó que na residencia d'El Cristu hai siete puestos de operarios de servicios y na de la Tenderina cinco. Esti personal va pasar a Santo Teresa y a la Mista, ¿pero qué va pasar col personal eventual, van movelu?, preguntó a Pilar Varela. De siguío aseguró que si en Santa teresa y la Mista nun van sustituyir a naide, ¿ú l'aforru de la privatización d'esos puestos?. Tamién apuntó qu'a esto hai que sumar nueve amortizaciones na residencia Mista de Xixón.

Varela esplicó que, dende la creación del ERA, el Gobiernu trabayó pa unificar el modelu de funcionamientu, onde una parte de les xeres tán externalizaes y otra ye de xestión directa, y, pa ello, una vegada que los trabayadores xubílense, nun se cubriríen los puestos de trabayu de les categoríes llaborales afectaes. Dende 2009 amortizaronse 72 puestos d’operarios de serviciu y creáronse 148 puestos d'atención directa, rellató Varela, qu'aseguró que la negociación ye constante, como puede constatase na xunta con comité d'empresa esta mesma mañana.

“Esmoleznos muncho qu'un bon modelu de funcionamientu puea correr peligru por dar bandazos” y por una planificación pensada nel aforru y non na calidá, remarcó Marta Pulgar.