El voceru d'IX reclama la dotación presupuestaria y la participación colectiva
Gaspar Llamazares, voceru parlamentariu d'IX na Xunta Xeneral, alvirtió esta mañana al Conseyeru de Sanidá de que la nueva estratexa d'Atención Primaria ye una estratexa parcial, continuista, que nun tien como prioridá'l calter social de l'atención primaria sinón que se trata d'un documentu profesional. IX echa de menos la orientación de salú pública, la participación de los trabayadores sociales nel mesmu y, sobremanera, una pilastra básica: la consulta y l'enfoque del paciente, del usuariu, del ciudadanu. “Porque nun escaezamos que l'Atención Primaria ye primero de too atención comuñal”, esplicó Llamazares.
El voceru d'IX nomó de visión complaciente y continuista la que reflexa'l documentu, la mesma que tienen les sociedaes médiques y l'alministración, la qu'indica que solo ye necesario afaese a la nueva forma de carecer y a les nueves tecnoloxíes. Llamazares tamién llamentó que'l documentu nun compromete partida presupuestaria dalguna pa los oxetivos a algamar, cuando, amás, dixo, hai una “crisis presupuestaria” nel nivel básicu de la sanidá asturiana, que tien, amás, una crisis de demanda, pola diferencia ente los recursos y la demanda. Tamién sufre l'Atención Primaria una crisis de xestión. Nesti últimu casu, por casu, son munchos los centros de salú qu'escarecen de coordinador, ejemplificó el voceru d'IX.
En resume, Llamazares considera que se trata d'un protocolu profesional –bienveníu- que, sicasí, precisa d'una mayor participación colectiva y un mayor compromisu social y d'autocrítica del Gobiernu, amás del compromisu presupuestariu del Gobiernu pa cumplilo, cuando nel Parlamentu aprobóse aumentar el so presupuestu siquier un 1%.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies