Menu

Angela Vallina propón aprovechar los recursos europeos en favor de la lingua y Ramón Argüelles reprocha Al PP qu'en Galicia defenda'l gallegu ente que n'equí vaiga contra l'asturianu

L'Academia de la Llingua convida a Nils Torvalds a visitar la Comunidá Autónoma pa conocer in situ la realidá del asturianu.

La eurodiputada asturiana Angela Vallina, xuntu al coordinador xeneral de IU Asturies, Ramón Argüelles, El presidente de l'Academia de la Llingua Asturiana, Xosé Antón Gonzalez Riañu y la responsable de Relaciones Internacionales de la institución, Cristina Valdés Rodríguez, axuntáronse esta mesma mañana col presidente del inter grupu de Minoríes Tradicionales, Comunidaes Nacionales y Llingües Minoritaries, Nils Torvalds, a quien presentaron un informe, ellaboráu ad hoc, sobro la Llingua.

Xosé Antón Gonzalez Riañu convidó, amás, a Nils Torvalds a visitar Asturies pa conocer, in sitiu, la realidá de, en palabres el máximu responsable de l'academia, d'una llingua milenaria”. El presidente del intergrupu de Llingües Minoritaries recoyó'l guante y comprometióse a buscar una fecha nel futuru.

Esta ye la primera de les trés xuntes entamaes por Angela Vallina en Bruxeles, nun viaxe plantegáu coles mires de dar visibilidá al asturianu n'ámbitos europeos y que se suma a les distintes iniciatives que se tán desenvolviendo pa llograr la máxima reconocencia a la llingua, tantu n'Asturies, a nivel xurídicu y estatutariu, como fuera: “ creemos que ye imprescindible dar a conocer la realidá Asturies y de la so llingua. Nel parlamentu esiste un grupu específicu de llingües minoritaries y ye necesariu que la nuesa llingua, la llingua, esti presente pa poder aprovechar tolos recursos de la unión pa la so promoción desenvuelvo“.

El coordinador xeneral d'IX, pela so parte, enfatizó que ye necesario impulsar tolos cambeos lexislativos necesarios pa llograr la máxima reconocencia del asturianu, hasta llograr la so oficialidá, dientro del estatutu de la comunidá autónoma. Eso sí, Argüelles amestó cualquier acción a les pautes que puedan marcase dende l'Academia de la Llingua como la máxima institución na defensa del asturianu.

Argüelles aprovecho'l tantu pa llanzar un un dardu a actitúes como les del Partíu Popular asturianu que se niega a reconocer los derechos de los asturianoparlantes alloñar de posiciones d'ese mesmu partíu en comunidaes como Galicia onde son claros defensores del gallegu.

Cristina Valdés esplicó a Torvalds que l'asturianu ta estendíu en cuanto al usu nel ámbitu de la educación, de la cultura, inclusive de les nueves tecnoloxíes. Sicasí inda ye necesario impulsar el sofitu institucional, llegal, que -y dea esi calter oficial.