La moción d'IX foi sofitada por PSOE, Podemos y Ciudadanos y refugada por PP y Ciudadanos
La Xunta Xeneral del Principáu d'Asturies encamienta al Conseyu de Gobiernu a axustar de manera inmediata col gobiernu d'España la creación y constitución d'una Comisión Billateral Principáu d'Asturies-Estáu que tenga como funciones la planificación de les infraestructures que, siendo'l so diseñu y financiamientu competencia del Estáu, tengan el calter d'estratéxiques pa la nuesa Comunidá Autónoma, y el siguimientu y control de la execución de diches infraestructures y del restu de les inversiones del Estáu n'Asturies. Esta ye la moción subsiguiente aprobada esta mañana nel Parlamentu autonómicu a propuesta d'Izquierda Xunida y colos votos del PSOE, Podemos y Ciudadanos y el refugu del PP y de Foro Asturies.
Ovidio Zapico recordó, una vegada más, l'incumplimientu palmariu de les inversiones comprometíes nos Presupuestos Xenerales del Estáu per parte de los distintos gobiernos, falta cifrada en 292 millones d'euros solamente nel periodu que va ente 2015 y 2018 y que nel primer semestre d'anguaño'l grau d'execución de les cantidaes previstes pa invertir n'Asturies nun supera'l 16%.
Eses inversiones ensin executar xeneren desafección ente los ciudadanos y suponen una falta p'Asturies, porque los presupuestos conviértenlo en papel moyáu y pola so execución “llaceriosa”. “Too ello representa una auténtica burlla a Asturies, xuna burlla a base d'engaños polos calendarios y otros poles cuantíes. Engaños que nun vienen d'estos últimos años, sinón de munchos tras”, alvirtió'l diputáu d'IX.
Ovidio Zapico aprovechó la so intervención pa encamentar al Conseyeru d'Infraestructures, Fernando Lastra, a falar d'esti asuntu na visita que'l Ministru de Fomentu tien previstu pa la próxima selmana.
Zapico esplicó que nos últimos tiempos creóse un preséu reivindicativu como ye l'Alianza poles Infraestructures, que precisa ser reforzada, una alianza política y social interna, que precisa, sicasí d'un preséu esternu de control, una comisión billateral como yá tienen otres comunidaes autónomes frutu d'estatutos de tercer xeneración, como son Cataluña, Castiella y Llión y Andalucía, o otres comunidaes como la valenciana que tamién la tien, ensin modificar l'Estatutu.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies