El diputáu d'IX sostien qu'unu de los mayores problemes del mundu rural ye la falta de conexones n'igualdá coles ciudaes
Ovidio Zapico, diputáu d'IX na Xunta Xeneral, reclamó esta mañana una solución multidisciplinar por que los habitantes del mediu rural puean superar la fienda dixital qu'agora mesmu los dixebra de los de los núcleos mayores y les ciudaes asturianes. Pa IX ye necesario combinar les distintes tecnoloxíes, incluyida la 5G pa llegar a tolos llares, poles característiques orográfiques de la comunidá.
A IX, dixo, esmolez-y enforma la conectividad rural, hasta'l puntu de consideralu unu “de los mayores problemes” a los que s'enfrenta, cuando yá ta sufriendo'l despoblamientu, l'avieyamientu o la perda de servicios y d'oportunidaes que representen unes conexones rápides que-yos dexen encarar una conexón igual que na ciudá. “Nun puede haber asturianos de primera y de segunda”, esplicó'l diputáu d'IX na so interpelación al conseyeru d'Emplegu, Industria y Turismu, Isaac Pola.
El diputáu d'IX demandó tamién al Principáu que cunte cola empresa pública GITPA que puede llograr rendimientu y optimización nel combate contra la fienda dixital, que tien 4,5 millones de lliquidez, pero que precisa potenciase, anovar equipos ya invertir en caltenimientu. Ovidio Zapico preguntó si GITPA va faer nuevos esplegues de fibra óptica, ya interesóse por conocer la coordinación y compatibilidá de los planes del executivu asturianu colos planes nacionales y la recién orde ministerial qu'obliga a el operadores a garantizar una cobertoria del 85% de la población.
Pela so parte, Isaac Pola adelantró al diputáu d'IX que GITPA va llevar a cabu una nueva estratexa denominada Astelecon que va tar perfilada a finales d'añu, que va suponer tener datos sobro cobertoria real, redefinir les zones blanques, la demanda non satisfecha, y que, darréu, va sirvir pa correxir les actuaciones de manera coordinada col Ministeriu y operadores de telefonía. GITPA dixo, va ser un preséu determinante. Tamién avanzó la modernización de la rede Asturcon y la so ampliación, y que nesta meyora va incorporase tamién la tecnoloxía 5G. Esta nueva estratexa va suponer un presupuestu de 14,6 millones d'euros d'equí a 2021.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies