El candidatu al Congresu de los Diputaos por IX participa na concentración convocada polos sindicatos y la FAMPA en Mieres
Juan Ponte, candidatu d'IX al Congresu de los Diputaos, reclama garantíes polítiques pa un sistema públicu de pensiones “pa güei y para el futuru”. Delantre del Conceyu de Mieres, na concentración convocada por CCOO, UXT y FAMPA recordó qu'un 35% de los llares españoles vivi gracies a una pensión, que desgraciadamente, la pensión midida de les muyeres ye un 36% menor que la de los homes y cada vez ye mayor el riesgu de probeza de les persones mayores. Por estes razones, güei más que nunca, dixo Ponte, ye necesario blindar el derechu de les pensiones na Constitución, por que se conviertan nun derechu fundamental d'obligáu cumplimientu. A xuiciu del candidatu d'IX, ye necesario faer una reforma constitucional qu'incluya la prohibición espresa de que cualquier Gobiernu actual o futuru pueda retayar o privatizar el sistema públicu de pensiones. “Hai que salvar el sistema públicu de pensiones p'asegurar el bienestar de los nuesos mayores, por que cualesquier de nós tenga tolos derechos garantizaos poniendo percima de los privilexos d'unos pocos el derechu a la esistencia y una vida digna de la mayoría social y de les families trabayadores”, esplicó nuna concentración convocada sol lema ¡Non te quedes en casa!, ¡Ye hora de dar la cara!.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies