La candidata d'IX encamienta al Gobiernu asturianu que se ponga les piles pa llograr fondos europeos en proyectos que desanicien el procesu de descarbonización exprés puestu marcha pol executivu de Pedro Sánchez.
La candidata d'IX a la presidencia del Principáu, Angela Vallina, reclamó güei en Cangas de Narcea un apueste pol emplegu y la meyora de los servicios públicos como meyor alternativa pa evitar la despoblación. La eurodiputada, qu'ufiertó esta mañana una rueda de prensa al pie d’otros miembros de la organización nel conceyu, encetó la necesidá de recuperar el vieyu proyectu de residencia pa mayores, que contemplaba cien places, servicios alministrativos y centro día y la construcción d'un centru de salú, independiente del centru hospitalariu.
Angela Vallina esplicó que l'oxetivu de la visita a Cangas yera percanciar les esmoliciones del propiu conceyu y les sos nueves necesidaes.
Unu de los principales problemes d'Asturies, y especialmente llamativu nes nales, ye la despoblación, afirmó la eurodiputada, lo qu'esixe, midíes que detengan la sangría. “P’afitar población, lo primero que tenemos que tener ye unos bonos servicios públicos y, dientro d'esos servicios públicos, defender lo que siempres defendió la organización y el Grupu Parlamentariu d'IX y siguir con esi apueste pola residencia de la tercer edá tal que lo plantegáramos: una residencia de 100 places, con centru de día y tamién centru alministrativu“. Esti tipu de servicios tienen repercusiones per vía doble, a xuiciu de la candidata, yá que per un sitiu suponen la creación d'emplegu y por otru dexen ufiertar a la población servicios importantes pa permanecer como residentes n'una zona determinada.
En materia d'emplegu, Angela Vallina aseguró que ye imprescindible aprovechar los cuantiosos fondos europeos que se tán desbloquiando de cara a dar respuesta a los retos del procesu de descarbonización. Nesti casu, el abrupto cambéu de modelu que se ta aldericando n'España, tien que ver, dixo, non con una posición de la Unión Europea, sinón cola decisión de los gobiernos d'España.
Sía que non, Angela Vallina pidió al gobiernu d'Asturies que se ponga les piles”, porque, al so xuiciu, nun ta faciendo tolo que debe para llograr proyectos que tengan capacidá non solo para xenerar empléu na so construcción, sinón tamién al llargu plazu una vegada que se terminen les obres.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies