Menu

Marian Iglesias demanda la industrialización de los polígonos del conceyu pa fomentar l'emplegu

Ovidio Zapico, diputáu d'IX y númberu dos de la llista d'Asturies pola Izquierda, aprovechó la so visita al conceyu d'Ayer, exemplu de lo que nun ha ser la transición enerxética, pa emplazar al candidatu socialista a ser, siquier, igual de firme frente al executivu central de Pedro Sánchez que lo foi Javier Fernández nos últimos meses del so mandatu. El diputáu d'IX tarrez que la tónica del nuevu Gobiernu que pretende establecer Adrián Barbón nun vaiga ser la mesma que tuvo Javier Fernández nesta materia. Por eso, Asturies pola Izquierda alerta d'un posible gobiernu ente PSOE y Ciudadanos, un partíu esti postreru, que fixo de menos a les cuenques mineres mientres la llexislatura qu'agora termina “y a les actes de la Xunta Xeneral”, aseguró acompañáu de Marían Iglesias, candidata de la formación a l'alcaldía ayerana.

A xuiciu del diputáu, Ayer ye un conceyu onde se ve lo que nun ha ser la transición enerxética, onde se ve que nun ta siendo xusta, equilibrada, pausada, demostrada na baxa actividá económica y llaboral que repercute na actividá social, na perdida de población y na demografía. Por ello, punxo de relieve que'l conceyu precisa un gobiernu comprometíu con estos territorios, como'l d'Ayer pola Izquierda y Asturies pola Izquierda, que desenvuelvan les infraestructures que son necesaries pa desenvolver emplegu.

Marían Iglesias, pela so parte, incidió en que los polígonos ayeranos precisen cuntar con más empreses asitiaes na zona, ye obligao, dixo, “la industrialización” de los mesmos. La candidata ayerana aseguró que ye fundamental la industrialización de los polígonos yá esistentes y los previstos. “Pa IX son fundamentales los puestos de trabayu”, sorrayó.

Énte'l zarru del pozu Ayer dende'l pasáu avientu son munches les persones tienen que salir del conceyu a diariu pa trabayar y “nós queremos un conceyu pa vivir y trabayar”, esplicó al pie de los miembros de la so candidatura. De la mesma, esplicó que nel Plan de la Minería hai 50 millones d'euros pa les cuenques afectaes pol cayente de la minería pero precisense proyectos verdaderos y que se cumplan”. Tenemos los polígonos de Corigos y el de Cabanaquinta pero precisamos sacar financiamientu pa industrializalos, por que les empreses asítiense, y pa poder llevar los proyectos a cabu, siguió. Ye cierto que tenemos el polígonu de Caborana nel que trabayen delles empreses pero “eso ye poco pa la población que tenemos porque cuntamos con una población bien avieyada y los mozos tienen qu'abandonar el conceyu”.

A lo último, Zapico, tamién alvirtió que “sería bonu” que'l candidatu socialista esclariárase y diérase cuenta de que tamos en 2019 y los tiempos del bipartidismu y les mayoríes absolutes yá se terminaron, que vivimos tiempos de pluralidá y que los partíos tienen de responder con diálogu y consensos, que dean llugar a alcuerdos y que los ciudadanos sepan qué piensa sobro los posibles alcuerdos dempués de les elecciones. “Emplazo a Adrián Barbón a qu'esplique qué piensa a faer dempués del 25 de mayu, si va axustar cola derecha naranxa que pretende engañar a los y les trabayadores en cuestiones de fiscalidá, pretendiendo enrevesar con daqué tan fundamental como l'impuestu de sucesiones, o la derecha naranxa que fixo de menos costantemente a estos territorios mineros, y a les actes de la Xunta Xeneral, o, pela cueta ta dispuestu a axustar cola izquierda, buscando un gobiernu fuerte de la esquierda plural”, esclamó'l númberu dos d'Asturies pola Izquierda. Si apauta con Ciudadanos va atopar el refugu total de los y les trabayadores asturianos, puntualizó. Si otra manera, prefier un pactu cola esquierda, Asturies pola Izquierda ta dispuesta a esquizar esa vía de diálogu entorno a la exa del programa.