Menu

Ovidio Zapico pide más "iberismo" pa faer frente a la posiciones egoístes d'Alemaña y Holanda y el papel “bochornosu" de la UE

Izquierda Xunida apuesta por midíes más restrictives, paralizando les actividaes que nun sían esenciales económicamente, tal que reclamen les organizaciones sindicales, coles mires d'evitar contaxos ente trabayadores, garantizando, sía que non, la protección pa quien nun puedan acoyese al teletrabajo. Amás, solicitó que se realice la convocatoria de los axentes de la Concertación Social y un mayor grau de collaboración colos Conceyos como primer puerta d'accesu al sistema públicu de prestaciones y servicios, pero tamién como un elementu clave social, llaboral y económicu. El coordinador xeneral d’IX Asturies, Ovidio Zapico, aseguró que nestos momentos, cuando empieza la segunda quincena, tien de dase un pasu más na llucha contra'l COVID19. "Ye momentu de prescindir de lo prescindible, d'aquelles actividaes económiques de les que pueda prescindise. Nesti sentíu, vamos treslladar al Gobiernu del Principáu d'Asturies el nuesu interés porque toos aquellos trabayadores de les contrates que presenten servicios pa los Conceyos asturianos puedan quedase tamién en casa. Creemos que ye importante, agora más que nunca, salvaguardar la salú de los y les trabayadores".

Esta nun ye la única midida que plantega IX. Ello ye que recordó Zapico, nos últimos díes, al traviés del Grupu Parlamentariu, treslladadáronse propuestes pa fortalecer el sistema sociu-sanitariu. "Esmoleznos la situación de les residencies de vieyos. Queremos que sían blindaes de la forma conveniente. Creemos tamién que llega'l momentu d'axuntar la concertación social. El Principáu y los axentes sociales tienen qu'evaluar toes estes midíes qu'antes comentaba; tienen que ver el so grau d'impactu y tienen tamién qu'analizar qué otres propuestes pueden llevase a cabu"

Pa IX ye necesario tamién impulsar la collaboración colos Conceyos, resaltó'l coordinador d’IX Asturies pos, dixo, "son axente social y llaboral y económicu bien importante pa sacar a Asturies d'esta situación tan difícil que ta viviendo".

La formación va caltener la so actitú de collaboración mientres los próximos díes, añediendo a los bloques de propuestes sanitaries, sociales y llaborales otros en materia d'educación.

Europa: un papel bochornosu Sía que non, pa Ovidio Zapico, la salida de la crisis solo puede ser con una salida social, polo que manifestó la so esmolición énte la falta de planteamientos comunes y solidarios nel márcu común européu. "Paezme bochornoso, paezme una vergüenza el papel de la Unión Europea". Y ye que, afirmó'l coordinador xeneral d’IX Asturies la UE nun ta nin tuvo al altor de les circunstancies pola so descoordinación, egoísmu ya insolidaridá. "Frente a los mercaderes del norte más iberismo. Ye necesariu'l iberismo, que nos fai más fuertes". Según Zapico la respuesta contundente de Portugal ayeri a Alemaña y Holanda "marca'l camín a siguir: más iberismo frente a la Europa de los mercaderes".

Nestos momentos, anque sía tímidamente, les midíes de confinamientu, según Zapico, paez qu’empiecen a dar los sos frutos siquier, matizó, tímidamente. A xuiciu del coordinador, "en nengún momentu, el nuesu sistema sanitariu viose pel momento en riesgu de colapsu y qu'esperemos qu'esta situación siga asina. Colapsu que sí se dio, o se ta dando, n'otres Comunidaes Autónomes, fundamentalmente naquélles que mientres los años de la crisis, que mientres los últimos años, fueron llaboratoriu de polítiques neolliberales, de privatizaciones y tienen güei xuna sanidá bien foliada".

Un exemplu d'esta situación, enfatizó’l coordinador xeneral d’IX Asturies, ye la Comunidá de Madrid que, añedió, "vemos cómo ta pasando serios problemes pa poder atender afechiscamente a toes aquelles persones que lleguen a los hospitales col coronavirus. Ta en disputa’l planteamientu de la sanidá pública frente al planteamientu de la sanidá privada y, afortunadamente pa los que vivimos en Comunidaes Autónomes onde lo público curióse un pocu más los públicu, ella (la sanidá pública) va ganando la batalla".

Nesta nueva quincena de confinamientu, reivindicó Zapico, ye imprescindible siguir faciendo, con disciplina, l’aislamientu. "Ye fundamental siguir siendo respetuosos con toles midíes que'l Gobiernu ta decretando".