El candidatu a l'Alcaldía de Sobrescobiu, al pie de Ovidio Zapico, reclamó güei que s'execute una obra entá más necesaria cola próxima puesta en marcha del camping
IX Convocatoria per Sobrescobiu esixe lliberar a Villamorei del la circulación de vehículos. El cabeza de llista a l'Alcaldía, José Guido, xuntu al coordinador xenera d'IX y candidatu a la Presidencia del Principáu, Ovidio Zapico, al pie d’otros miembros de la candidatura, esplegaron güei una pancarta na localidá precisamente pa esixir la circunvalación, un proyectu que namái va ser posible, aseguren, con un cambéu nel Gobiernu municipal. "Dende IX Sobrescobiu pensamos que'l proyectu de la nueva carretera nun se va terminar hasta que saque'l tráficu de Villamorei. Ye un proyectu inconclusu. Lliberar a los vecinos de Villamorei de los coches que xuben a Sotu d'Agues y a la Ruta del Alba va ameyorar la so vida: este ye'l nuesu compromisu, ameyorar la vida de la xente".
La realización d'esta circunvalación ye entá más urxente cola entrada en serviciu de nuevos establecimientos turísticos. Asina lo cree, siquier, José Guido: "La construcción del camping de Villamorei y la so finalización aumentará’l tráficu colos campistes que xuban a Sotu y a la ruta".
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies