Menu

La mocedá de la formación pon en marcha una campaña pa sollertar sobro la salú mental y esixe un replantegamientu qu'encete los problemes psíquicos non solo dende una perspectiva farmacolóxica

La mocedá ye la qu'en realidá entama una campaña de sensibilización, colo que pretenden que se replantegue'l modelu de salú mental y especialmente aquella que los afecta. Bastante ye que, esplica Lucia D Lopez, una de les impulsores, “Asturies la comunidá autónoma onde más altu ye'l consumu d'antidepresivos y atópase la cabeza nel númberu de suicidios”. Asina mesmu, tamién ye la comunidá con menos emancipación xuvenil y lidera la llista de paru.

López esclaria que la campaña nun pretende estigmatizar nin “criminalizar“ a la población xuvenil, que se vio forzada al consumu de melecines: “lo que queremos ye reivindicar que gran parte de los nuesos problemes de salú mental, vienen de la falta de mires, la precariedá llaboral o la imposibilidá d'independizanos”.

Sía que non, la sobremedicación, añede la mocedá, nun ye la solución: “ Nun pueden recetar pastillas anti depresives a neños y a neños de 15 años, como si fueren carambelos y, por desgracia, esa ye la realidá, muncho más de lo que paez”.

La tranquilidá nun se receta ¡Conquístase!

Con esta frase la Mocedá d'Izquierda Xunida Asturies saca la so nueva campaña pa reivindicar la dimensión social de la salú mental.

El consumu d'antidepresivos disparóse dende la pandemia a unos niveles inimaxinables. Asturies ye a día de güei la Comunidá Autónoma onde más se peracaben esti tipu de melecines. Ente les asturianes 372 de cada 1.000 y nel casu de los homes 184 de cada 1.000. Solo fai falta falar cola mocedá asturiana pa ver cómo ta'l so estáu d'ánimu.

Dende la organización xuvenil d’IX Asturies reivindiquen la dimensión social d'esta situación. «Con esta campaña lo último que buscamos ye criminalizar a quien se vio forzada a consumir estes melecines, lo que queremos ye reivindicar que munchos de los nuesos problemes de salú mental vienen de la falta de mires, la precariedá o la imposibilidá d'independizanos». Comenta xuna de les impulsoras de la iniciativa.

«Nos 80 les nueses cais enllenaronse d'heroína y nel so día IX realizó un cartelu que ponía “La llibertá nun s'inyecta, ¡conquístase!”. Con esta campaña queríamos da-y una vuelta a aquella frase, porque la droga qu'agora anubre la nuesa sociedá son los antidepresivos» señala otru de los impulsores.

Dende la organización denuncia la facilidá cola que se receten estes melecines a edaes bien tempranes y que a la llarga acaben llevando a una verdadera adicción. Amás, reclámense polítiques decidíes dende'l principáu p'atayar los problemes de vivienda y trabayu que traviesen la comunidá.