Menu

La diputada María José Miranda, que s'axuntó con ganaderos del Sueve, asegura que les quemes del, 20-d tienen la so causa na ausencia d'una política forestal

La concejala de la formación en Caravia anuncia que la formación va presentar cuantos allegamientos tean al so algame frente a unes acotadures que considera "escesives"

La diputada d'IX y Vicepresidenta primera de la Xunta Xeneral del Principáu, María José Miranda, criticó güei los tiempos d'acotadura de camperes nos montes del Sueve que, na so opinión, perxudiquen a los ganaderos. Miranda, que na tarde-nueche d'ayeri entrevistose con representantes del sector en Caravia, a los que manifestó la sintonía d'IX al respective de les sos reivindicaciones.  “Tienen el nuesu total sofitu porque realmente paeznos escesivu'l tiempu d'acotadura y l'acoso social al que tán siendo sometíos estos ganaderos”.

Pa Miranda, les quemes del 20-D son consecuencia de l'ausencia de política en materia de caltenimientu y llimpieza de los montes. Ante esta situación, la diputada reinvindicó la urxencia por que la Conseyería de Desenvolvimientu Rural y Recursos naturales ponga en marcha un plan estratéxicu de política forestal pa, sigún añedió, “acabar cola carba que nun para de crecer nel Principáu. L'acotadura tien que ser, siempres, tratada como una midida de rexeneración y nunca como un castigu a los ganaderos”.

Pela so parte, la conceyala d'IX en Caravia, Mari Paz Sánchez, esplicó que la so formación  va presentar cuantos allegamientos tean al so algame ante les acotadures que calificó de “escesives”.  “Tamos sofitando a los ganaderos y defendiendo la so postura porque pensamos que son los grandes perxudicaos”, señaló la edil, pa la qu'eses acotadures tendríen que ser físicques pos, añedió, “comen igual los gamos que les vaques”.