Menu

Los Verdes d’Asturies, coaligaos con Izquierda Xunida d’Asturies y el Bloque por Asturies, mantuvieron un alcuentru con tolos sos candidatos a les próximes eleiciones autonómiques y llocales. A esti actu, celebráu n’Uviéu, asistieron alredor de 60 persones, ente les que taben los sos 44 candidatos a los comicios eleutorales. Los Verdes d’Asturies van presentar un númberu paritariu d’homes y muyeres nes llistes, 22 homes y 22 muyeres, anque podríen ser más nel momentu en que acabe’l plazu de presentación de candidatures. Pel momentu, Josefina Alonso Llano encabezará la llista de Cabrales y  María Jesús Fernández,  la d’Allande.

Los Verdes d’Asturies, coaligaos con Izquierda Xunida d’Asturies y el Bloque por Asturies, mantuvieron un alcuentru con tolos sos candidatos a les próximes eleiciones autonómiques y llocales. A esti actu, celebráu n’Uviéu, asistieron alredor de 60 persones, ente les que taben los sos 44 candidatos a los comicios eleutorales. Los Verdes d’Asturies van presentar un númberu paritariu d’homes y muyeres nes llistes, 22 homes y 22 muyeres, anque podríen ser más nel momentu en que acabe’l plazu de presentación de candidatures. Pel momentu, Josefina Alonso Llano encabezará la llista de Cabrales y  María Jesús Fernández,  la d’Allande.

Nestos momentos tán pesllándose otres llistes en más conceyos  colo que’l númberu de persones que van aportar Los Verdes a les llistes de la coalición podría situase alredor de los 50 ó 60.

Al actu asistieron como invitaos Aurelio Martín diputáu d’IX-BA na Xunta Xeneral del Principáu d’Asturies  y José Antonio Cases, responsable de mediu ambiente. 

Nel actu, Nacho González, Voceru de Los Verdes d’Asturies amás de presentar les candidatures, esplicó les principales llínies del alcuerdu programáticu firmáu con IX, llínies que coinciden na urxencia de pasar a l’aición y poner en marcha un modelu de desenrrollu sostenible p’Asturies que permita a la nuesa rexón ameyorar la calidá de vida de los sos ciudadanos, aumentar la cohexón social y la participación democrática, caltener y ameyorar los nuesos valiosos recursos naturales, ambientales y paisaxísticos, y adautanos a los importantes cambios que van afeutar al mundiu nes próximes décades. De la mesma manera, sorrayen la necesidá de sustituyise el modelu económicu desenrrollista actual, basáu nel consumu masivu d’enerxía, materies primes y suelu, por otru más modernu, fundamentado nel emplegu de nueves teunoloxíes y nel desenrrollu del I+D+I, asina como nun impulsu nuevu de les actividaes del campu y mar con métodos ecolóxicos.