Jesús Iglesias, Coordinador Xeneral d’Izquierda Xunida d’Asturies, presentó esta mañana un decálogu contra la especulación urbanística y la corrupción.
DECÁLOGU CONTRA LA ESPECULACIÓN URBANÍSTICA Y LA CORRUPCIÓN
Jesús Iglesias, Coordinador Xeneral d’Izquierda Xunida d’Asturies,
presentó esta mañana un decálogu contra la especulación
urbanística y la corrupción. Estes propuestes constitúin
una riestra de mecanismos pa facer más transparente’l funcionamientu
y la toma de decisión n’Ayuntamientos a favor de la incorporación
de los ciudadanos na toma de decisiones, mirando, al tiempu, pola autonomía
municipal.
1º. Creación nos Ayuntamientos de Conseyos Municipales d’Urbanismu
nos que s’informe periódicamente a les organizaciones sociales
de les modificaciones urbanes que se lleven alantre.
2º. Sancionar la obstrucción o retrasu nel exerciciu del derechu de los conceyales a algamar de manera inmediata cuantos antecedentes, datos o información obren en poder de los servicios del ayuntamientu y resulten afayadizos pal desendolcu de la so actuación de control del equipu de gobiernu.
3º. Transformación de la CUOTA pa la so reconversión nel Institutu pa la Ordenación del Territoriu, l’Urbanismu y la Sostenibilidá cola finalidá de xestionar de forma unificada les competencies ambientales y territoriales, con presencia nel Conseyu Rector de la sociedá civil. Va tar dotáu d’un equipu d’inspección urbanística.
4º. Nes áries de nueva espansión reservaráse’l 50% de cada sector de suelu urbanizable pa vivienda protexida autonómica, en venta o arriendu.
5º. Moratoria urxente sobre los campos de golf venceyaos a urbanizaciones. Asina como la prohibición espresa de la construcción d’éstos a menos de 1 KM. De la llinde del dominiu públicu marítimu-terrestre..
6º. Esixencia d’Informe del Conseyu Consultivu d’Asturies previu a l’aprobación de convenios urbanísticos que conlleven cambiu na calificación del suelu pa la construcción de más de 100 viviendes.
7º. Analís específicu pola Sindicatura de Cuentes d’Asturies del equilibriu de les compesaciones previstes nos convenios urbanísticos que conlleven cambiu na calificación del suelu pa la construcción de más de 100 viviendes.
8º. Esixencia de que cualesquier desendolcu urbanísticu cunte previamente a la so aprobación cola garantía de que dispondrá de los servicios esenciales (suministros d’agua, d’enerxía, accesos, comunicación, etc.).
9º. Obligación d’alcaldes y conceyales d’abstenese durante los cuatro años siguientes a la data del so cese de mantener rellaciones llaborales o comerciales coles empreses o sociedaes privaes relacionaes directamente col cargu que desempeñó.
10º. Compromisu de les fuerces polítiques d’escluyir de la militancia a cualesquier afiliáu contra’l qu’un xuez alcordara cualesquier tipu de midida cautelar como consecuencia d’una actuación relacionada cola corrupción urbanístiques.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies