Menu

Ovidio Zapico alvierte de que la situación nun puede sostenese por más tiempu

Ovidio Zapico, diputáu d'IX, denunció esta mañana nel Parlamentu'l “estrueldosu” fracasu de les polítiques actives del Gobiernu, fundamentalmente centraes nos planes d'emplegu, con circunstancies yá conocíes, a los que se xunen agora los “graves” problemes del Plan Actívate. “Dambos programes son “ferramientes imprescindibles” de cohesión llaboral para colectivos con dificultaes d'empléu, paraos de llarga duración, alvirtió'l diputáu dempués de recordar qu'Asturies presenta una tasa d'un 13% de persones en riesgu de probeza, cerró'l mes de xineru con 79.500 paraos, datos que por sí esmolecen a IX. Énte esta situación Zapico esplicó qu'IX escucha les respuestes del Conseyeru Isaac Pola con actitú positiva pero tamién lu aseguró qu'empieza a haber “alarma, inconformismu y cansanciu” sobro una cuestión que la coalición lleva sollertando al Gobiernu tou la llexislatura, situación que “nun puede sostenese por más tiempu y ye obligáu salir d'ella”.

Los datos de los programes actívate son “llaceriosos”, sorrayó Ovidio Zapico pa señalar que de los 6,5 millones d'euros previstos pal añu pasáu, namá esisten 2,8 millones d'euros d'ayudes concedíes, el 44%, y queden tornaos 3.2 millones. Entá más suman 49 proyectos refugaos, “númberos que tien reflexu en persones, 450 persones quedáronse fora”, reprochó'l diputáu d'IX:

Con estos datos IX llega a trés conclusiones: precísase llegar a mayor númberu de xente y territoriu posible con polítiques actives empléu, la cadena colos problemes actuales tien un eslabón rotu y xuna tercer: qu'esa cadena hai que recomponela. “Nun queremos nin Gobiernu inmovilista, nin aislláu, nin sufríu”, alvirtió nel plenu de la Xunta Xeneral Zapico.

Énte esti panorama, aseguró que queda llexislatura abonda pa revertir esta situación. “ Ye abondu esti tiempu por que estes polítiques sían calce d'oportunidaes”, indicó. De la mesma, realizó xunas cuantes entrugues concretes pa les qu'esixó respuesta precisa. ¿Va convocar de manera urxente xuna mesa de trabayu técnica colos conceyos, Principáu, axentes sociales y espertos, que podríen dar lluz a munches interrogantes ¿va desenvolver na so conseyería un serviciu de sofitu pa los conceyos?; ¿Poner en peligru los Fondos sociales Europeos al nun executar estes partíes?, ¿qué va pasar con esos 3.6 millones que fueron tornaos, hai posibilidá de que s'incorporen a la mesma y si ye asina, como piensa faelo?; ¿va cuntar colos axentes sociales y los conceyos pa llograr un consensu y devolver a cadena económica los 3,6 millones d'euros?

Pela so parte, Isaac Pola atribuyó a la lexislación estatal los problemes xeneraos nos conceyos , fundamentalmente por esixencies se circunscriben a característiques instalaciones y de los medios de que dispon cada unu, magar que dende el Principáu avisaran en repitíes ocasiones, dixo.

Pola esplicó que tán estudiando la fórmula p'aprovechar los fondos ensin utilizar na convocatoria, en contactu colos conceyos para reaplicar los fondos y va cuntase tantu nel marcu del SEPEPA y na concertación con axentes sociales y conceyos. El Conseyeru tamién reconoció a IX que va convocar xuna Mesa na que coincidan les instituciones locales, los axentes sociales y el Serviciu Públicu d'Emplegu y espertos pa dar solución a les dificultaes d'estos planes, mesa que yá demandó IX siendo Conseyeru Francisco Blanco.