Menu

La diputada d'IX Convocatoria por Asturies defende midíes especiales pa les zones rurales pero garantizando la progresividá

La diputada d'IX Convocatoria por Asturies, Delia Campumanes, defendió güei la necesidá de caltener un sistema fiscal progresivu y xusto, siguiendo'l mandatu consitucional, y llantando cara a la ofensiva de la derecha para suprimir los impuestos a los más ricos. La parllamentaria, mientres la Comisión de Facienda, recordó que los impuestos respuenden a la necesidá de financiar un modelu de prestaciones públiques calidable que dexe que les Alministraciones Públiques puedan garantizar un orde económicu y social xustu. Trátase, enfatizó, de "protexer a los más débiles y vulnerables", de la que s'impulsa un modelu de bienestar qu'asegure a toles persones "la meyor sanidá, la meyor educación, les meyores polítiques en materia de dependencia y los meyores servicios públicos".

Campumanes tiró de la Constitución pa xustificar la necesidá de garantizar la viabilidá financiera del Estáu. Asina, dixo, nel artículu 31 de la Carta Magna recuéyese que tola ciudadanía va contribuyir "al sostenimientu de los gastos públicos acordies con la so capacidá económica por aciu un sistema tributariu xustu inspiráu nos principios d'igualdá y progresividá".

La derecha, según el parllamentariu, lleva décades tratando de "dinamitar" estos principios constitucionales "so un discursu engañosu que cuestiona non yá los impuestos sinón la capacidá del Estáu pa dar servicios y prestaciones, esmuciéndose por un discursu anarcocapitalista. Y a eso contribuyó una lloca carrera impulsada pola ortodoxa ultra lliberal qu'arima a bona parte de les comunidaes autónomes pa ver cual d'elles amenorga más los sos impuestos, pero nun engañemos, namá a los más ricos".

Como paradigma d'esa política de rebaxes fiscales a les clases más acomodaes, Delia Campumanes señaló l'el impuestu de sucesiones "al que denominen impuestu de la muerte, pero que, en realidá, nun ye tal, porque quien ta obligáu ye quien, tres l'heriedu, ve aumentáu'l so patrimoniu personal de forma individual. Quitar sucesiones namá beneficia al 1% de la población, porque en toles comunidaes esiste cuando los herederos nun son los forzosos de la primer llínea".

La diputada denunció que nesa operación de maquillaxe p'amenorgar tributos de la derecha supón, precisamente, la eliminación de los impuestos directu y progresivu que graven la riqueza, esto ye, abondó, "los que respuenden lliteralmente a la lletra y al espíritu de la Constitución en materia fiscal y que la derecha trata de cargase en toa España".

Frente a ello, Campumanes amosóse "particularmente arguyosa" de que'l Gobiernu d'unidá progresista d'Asturies amuésese "firmemente comprometíu cola defensa d'esos principios y valores de xusticia tributaria, porque l'alternativa ye retayar los servicios y les prestaciones públiques o amontar los impuestos indirectos que gravan a toos por igual o, davezu los dos cuesas".

Tamién defendió la parllamentaria de Convocatoria por Asturies una fiscalidá estremada, afecha a les circunstancies social y territorial, como se ta plantegando poara les zones rurales en riesgu de despoblamientu. Trataríase, señaló, d'incentivar les iniciatives económiques que s'enllanten nes zones más afectaes pola crisis demográfica, "especialmente Pymes, autoempleo y cooperatives". Eso sí, añedió, esa fiscalidá estremada nun puede suponer "fiscalidad cero porque eso atentaría contra esos principios constitucionales a los que me refería al entamu y que lo mesmo sirviríen para multimillonarios que para entamadores".

Sía que non, Campumanes defendió la necesidá de que, mientres esta llexislatura, poner en marcha un nuevu modelu de financiamientu yá que el vixente, con 15 años d'antigüedá, "ye yá claramente insuficiente". Asina, apostó por lluchar contra'l dumping fiscal qu'impulsa la derecha.

Tocantes a los Fondos Europeos, La parllamentaria esplicó que tienen que suponer un impulsu de tresformamientu del modelu granible d'Asturies, superando les les insuficiencias del pasáu, "garantizando, como toi segura de que va faer esti gobiernu de coalición progresista, una execución eficaz y tresparente".

Finalmente, Delia Camponanes reivindicó unos presupuestos pa la Comunidá Autónoma, que van ser "la espresión cifrada de les prioridaes polítiques y programátiques d'esti gobiernu compartíu establecíes nel alcuerdu de gobiernu" y que tendrán de sirvir p'articular un programa de gobiernu que ta pensáu pa defender a la mayoría social.