Menu

Xabel Vegas asegura que la llucha contra la burocracia tien de responder a situaciones como esta, ente qu'Esther Cepedal considera una "burlla" que'l proyectu paralizárase tres años de promeses incumplíes y l'anunciu en plena campaña electoral d'entamu d'obres

IX Convoctoria por Asturies esixó güei que s'entaínen los trámites pa executar el proyectu del nuevu centru de salú de Sotrondio. El voceru parlamentariu de la formación, Xabel Vegas, aseguró que ye imprescindible resolver los problemes que, dende hai más de quince años torgaron l'apertura d'estes instalaciones sanitaries. "En Convocatoria por Asturies creemos l'argumentu de que tenemos que lluchar contra la burocracia y este ye un bon exemplu de cómo podría lluchase contra la burocracia de verdá, acelerando los plazos por que, efectivamente, los vecinos de Sotrondio tengan equí'l centru de salú que precisen, porque ye un equipamientu básicu".

Pa la vocera municipal, Esther Cepedal, el paralís del proyectu supón una "burlla" pa la ciudadanía de Sotrondio que, tres llustros de promeses atayaes, vuelven sentise engañaos. "Tamos equí, delantre del teatru Virginia, que debería de ser centru de salú hai unos cuantos años yá, que, agora, pa les elecciones punxeron la primer piedra y too diba dir encabezao y vuelve tar parao".

Según Cepedal, la obra nun puede executase por un problema técnicu qu'hai y qu'obliga a volver presupuestar y a presentar otra vegada'l proyectu. "Ye una burlla escontra los vecinos y vecines de Sotrondio porque siguen ensin centru de salú cuando yá, a esti ritmu podíamos tener cuatro si se fixeren les coses bien de mano".