La directora xeneral de Memoria Democrática adelantra qu'el so departamentu va estudiar fórmules pa ufiertar asesoramientu y acompañamientu a quien quieran denunciar estos crímenes.
La directora xeneral de Memoria Democrática del Gobiernu del Principáu, Begoña Collada, celebra la decisión de la Fiscalía de pidir al xulgáu qu'investigue les tortures de la policía franquista a un sindicalista na comisaría de la Via Laietana de Barcelona. Collada tildó'l pronunciamientu de la Fiscalía de "finxu históricu” yá que, sorraya, ye la primer vegada n'España que'l Ministeriu Públicu pronúnciase a favor d'investigar los crímenes de lesa humanidá y tortures mientres la dictadura, invocando la nueva Llei de Memoria Histórica.
La directora xeneral destaca amás que con esti dictame, ábrese la puerta a esquizar crímenes de la dictadura que la Llei d'Amnistía torgaba escorrer. “Empecípiase un nuevu tiempu na llucha pola verdá, la xusticia y l'arreglu a les víctimes”, amiesta Collada, qu'anuncia qu'aprovechando'l desenvolvimientu de la estructura de la Dirección Xeneral, van estudiase distintes fórmules pa ufiertar asesoramientu y acompañamientu a los asturianos y asturianes que quieren denunciar estos crímenes énte la Xusticia.
NUN HAI ACTOS PREVISTOS
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies
