Izquierda Xunida d'Asturies concluyó güei en Mieres la so Asamblea col refrendo d'una candidatura única a l'Asamblea Federal, que se va desenvolver los próximos 14, 15 y 16 d'avientu.
Nuna xornada na que s'aldericaron les propuestes que se van plantegar en Madrid el mes que vien, la formación marcóse como oxetivu fortalecese internamente y reforzar los llazos d'unión con otros movimientos y organizaciones pa, dende la izquierda alternativa, llantar cara a les polítiques de retayos del Partíu Popular.
El coordinador d'IX d'Asturies, Manuel González Orviz, aseguró, na clausura, que l'oxetivu de partida llográrase y repitió que'l fortalecimientu internu ye indispensable pa dar respuesta a les necesidaes d'una ciudadanía que foi abandonada polos partíos de l'alternanza, sometíos al imperiu de les grandes corporaciones y la banca. “Güei empecipiemos el camín correctu que vamos a faer xuntos y acompañaos” , esplicó, en referencia a los llazos tendíos con otres organizaciones y movimientos.
Contra les polítiques de retayos de prestaciones y derechos, l'Asamblea aprobó por unanimidá, ente otres, resolvimientos contra la xubida de les tases xudiciales, pa la inmediata aplicación de la dación en pagu nel casu de los desahucios, contra los planes d'Arcelor Mittal que ponen en peligru'l sector siderúrxicu n'Asturies, sobre'l modelu enerxéticu, pa la conclusión de les grandes obres d'infraestructures en marcha y que lleven un retrasu de décades, y por que se quitar los cargos a los deteníos nel 14N.
Tases Xudiciales:
Por una Xusticia de y pa toos y toes. Propónse la interposición per parte d'IX d'un recursu de insconstitucionalidad, al suponer una amenorga nel derechu a la xusticia reconocíu na Carta Magna.
Desahucios.
Proponer que se paralicen los desahucios, que se dea la opción d'arriendu social”; la dación en pagu que salde la delda; flexibilización qu'amplíe'l denomináu “estragal d'esclusión contempláu nel Real decreto 6/2012. Amás, propónse la llimitación de los intereses moratorios, que se modificque el réxime de tasación de les viviendes –hasta agora en manos de los tasadores designaos polos mesmos bancos-, que s'alce'l porcentaxe d'axudicación al acreedor (anguaño'l 60% del valor de tasación); que se cree una ufierta de vivienda pública con tolos inmuebles que pasen a engrosar el fondu del bancu malu” y que se dar en l'aplicación d'estes midíes con calter retroactivu.
Comunicaciones per carretera:
Que los retayos presupuestarios nun se traduzan en nuevos retrasos na conclusión de los tramos de l'autovía del cantábricu y que'l Gobiernu comprometase a la entrada en serviciu de la so totalidá nos próximos dos años.
Finalización de l'autovía Uviéu-La Espina, conforme al proyectu inicial, enllargando la mesma hasta Cangas.
Supresión peaxe del Güerna
Comunicaciones Ferroviaries.
Inmediata llicitación del equipamientu y solución técnica que garantice l'usu mistu de los túneles de la Variante de Payares. Concluyir los soterramientos.
Refugar la lliquidación de FEVE, na so integración en RENFE, como pasu previu a la privatización del tresporte ferroviariu de pasaxeros.
Comunicaciones marítimes.
Ameyorar la coordinación ente puertos, respetando la especialización de los tráficos y aprovechar les oportunidaes de potenciación que va suponer la entrada en serviciu de la Variante de Payares.
Refugu a la Reforma de Llei de Bases de Réxime Local, porque nun da soluciones a los conceyos y escuende un intentu d'amenorgar la participación y la representación ciudadana.
