Menu

El coordinador xeneral de IX Asturies amuesa'l so prestu pola respuesta de la sociedá asturiano y español y pide siguir acompañando al pueblu palestín hasta que llogre un Estáu, la democracia y la paz

Zapico epondera l'acción de la Flotilla pa visibilizar el refugu al xenocidiu y espera que los activistes tornen “sanos, salvos y ensin sufrir tortures”

Miles de persones manifestáronse güei en Xixón en sofitu al pueblu palestín, n'una convocatoria qu'axuntó a colectivos sociales, organizaciones sindicales y representantes institucionales, ente ellos el coordinador xeneral de IU Asturies y tamién conseyeru d'Ordenación del Territoriu, Urbanismu, Viivienda y Derechos Ciudadanos, Ovidio Zapico, quien llanzó un mensaxe contundente contra'l Gobiernu d'Israel y el so actual primer ministru, Benjamín Netanyahu.

“Netanyahu y los demás criminales que lu acompañen nesi gobiernu de la estrema derecha israelina, tienen qu'acabar énte un tribunal internacional por aquello que fixeron, siendo xulgaos por un delitu de lesa humanidá, por un xenocidiu, por crímenes contra la humanidá, en definitiva”.

Pa Zapico, el pueblu palestín nun ta solo, como lo demuestra'l sofitu que ta recibiendo per parte de la sociedá española, asturiana, y polo xeneral, en tolos países del mundu. Nesi sentíu, el coordinador xeneral de IX Asturies amosóse “arguyosu” pol respaldu de les movilizaciones que, coincidiendo cola participación d'un equipu sionista na vuelta ciclista, España, diben produciéndose dende va selmanes. Esi sofitu, sigue activu, como lo demuestra la masiva, participación na movilización que güei tomó les cais de Xixón pa denunciar que “nun ye xuna guerra, ye un xenocidiu “.

Y ye que la situación esixe, a xuiciu del coordinador Xeneral d'Izquierda Xunida, caltener tola presión, de forma que les manifestaciones tengan continuidá porque, alvirtió, la ofensiva israelina “nun terminó” L'oxetivu, señaló Zapico, ye xenerar les condiciones por que pueda constituyise un Estáu Palestín, que va ser lo que dexe asegurar la llibertá, la seguridá y la democracia pa esi territoriu.

Al respective de la flotilla detenida nos últimos díes pola armada israelina contraviniendo, les lleis internacionales y la llei del mar, a l'actuar n'agües internacionales y ensin xurisdicción, Zapico destacó la importancia d'una acción que dexó visibilizar el clamor, qu'en tol mundu ta amenando'l xenocidiu en Gasa: “hai que reconocer a esos valientes y militantes que tuvieron dende'l primer momentu neses embarcaciones. Fueron illegal y salvajemente encetaos per Israel, daqué más polo qu'Israel tendrá de pagar, espero más puestu que tarde, énte esa Corte Internacional y espero que puedan tornar sanos, salvos y ensin sufrir tortures”.