Menu

Zapico asitia como reto garantizar un gobiernu progresista abre l'alderique sobro la confluencia de la esquierda. Enrique Santiago destaca'l papel útil” d'IX pa la clase trabayadora y l'estabilidá institucional

Izquierda Xunida d'Asturies conmemoró el so 40 aniversariu nun alcuentru multitudinariu nel que'l coordinador xeneral de IU Asturies, Ovidio Zapico, sorrayó que la organización ye güei "esencial" pa la gobernabilidad de la comunidá autónoma. "Ye una organización que, si nun esistiera, habría que creala", afirmó Zapico, quien reivindicó la formación como un "anclaje sólidu d'ese filo colloráu de la hestoria" y heredera de les lluches polítiques de les últimes décades.

Para Zapico, el principal retu actual ye garantizar que la derecha y l'estrema derecha nun marquen l'axenda política nin el futuru gobiernu d'Asturies". El coordinador punxo como exemplu negativu'l recién alcuerdu n'Estremadura, calificándolo de "infame" por buscar "deconstruir l'Estáu democrático y social" por aciu retayos en derechos sociales, educativos y sanitarios. Énte esti escenariu, llamó a la reflexón sobro la utilidá política: "Queremos ser útiles pa frenar esa meyora de la involución, que ye un riesgu pa la mesma democracia d'Asturies y d'el nuesu país".

Pela so parte, el diputáu nacional y secretariu xeneral del PCE, Enrique Santiago, amosó'l so prestu pola trayectoria de la organización, afirmando qu'IX ye "la fuerza político que da más seguridá a los asturianos y a les asturianes énte'l futuru". Santiago destacó la capacidá d'IX pa tar nes instituciones "con un pie na cai" y la so disposición histórica a trabayar pola unidá de la esquierda: "Siempres tuvimos dispuestos a collaborar col Partíu Socialista y a optimizar al máximu los sistemes electorales".

L'alderique sobro la confluencia de la esquierda

Preguntáu pola estratexa electoral y la confluencia de les fuerces progresistes, Zapico recordó que l'alderique ta abiertu dende'l pasáu mes d'agostu y qu'IX va celebrar xuna coordinadora monográfica en mayu pa definir la so postura. "Ye un alderique nel que ta apellada tola esquierda d'Asturies: la política, la social y la sindical", esplicó, señalando que l'oxetivu ye "optimizar les posibilidaes de la esquierda" frente al riesgu d'un gobiernu del PP y Vox que "destruya les bases d'una convivencia en paz y en democracia". Coles mesmes, esclarió que, anque hai contactos ente los distintos actores de la esquierda, anguaño nun s'empecipiaron conversaciones formales col PSOE a esti respectu.

Homenaxe a la militancia y memoria interna

Nel marcu d'esta celebración, realizóse un podcast especial nel qu'Ovidio Zapico entrevistó a trés trabayadores d'IX que se xubilaron nos postreros trés años. Estes muyeres, que vivieron dende dientro les cuatro décades d'actividá política de la formación, apurrieron xuna visión humana y hestórica sobro la evolución de la organización dende la so fundación.