Menu

Vallina asegura que la izquierda tien que demostrar la voluntá de consensos más énte la situación de la crisis global d'Asturies y pa la so superación pidió capacidá de decisión en cuestiones como fondos europeos y polítiques fiscales

La primer xunta ente IX y Podemos Asturies yera pa coordinar estratexes comunes de cara a la respuesta a los retos de la crisis global de la COVID-19. La vocera parlamentaria d'IX, Ángela Vallina, amosóse satisfecha pola resultancia d'esti alcuentru que, recordó, llevaba muncho tiempu pindiu na axenda y que se faía especialmente importante dada la situación actual. "Tenemos que demostrar que dende la izquierda queremos un consensu, queremos un gobiernu por que naide, cómo se diz, quede atrás, y sobremanera pa fortalecer la xusticia social y toos los nuesos servicios públicos. Y, pa eso, ye bien importante la Concertación Social y apostamos por ella: somos xuna fuerza que defende la industria siempres y ye xuna pieza fundamental".

La diputada reivindicó la voluntá d'IX de formar parte en tomar de decisión esenciales que pueden marcar el futuru d'Asturies. "Queremos tomar parte en decisiones como por casu la transición (enerxética) y esos fondos y esos proyectos: queremos saber cuálos son, queremos ver qué futuru plantegar p'Asturies; nun queremos que se trabaye namái pa un sector y pa beneficiu de dalgunos, sinón que'l beneficiu sía p'Asturies pero al llargu plazu, non a curtiu y mediu plazu que ye un problema que nesti país hai munches vegaes".

En materia social, hubo tamién gran coincidencia n'oxetivos. Asina, en qué va asoceder col Salariu Social cola entrada a valir del Ingresu Mínimu Vital (IMV), les dos fuerces defenden qu'esos recursos sigan destinándose a polítiques d'inclusión. "Creemos que'l dineru que se destinaba y qu'agora se pue disponer col Salariu (Social) tien de permanecer nos mesmos fines: hai munchos otros aspeutos dientro d'esa Conseyería". Por ello, defendió Vallina, eses partíes nun pueden esmorecese esleíes n'otres Conseyeríes ayenes a la de Derechos Sociales y Bienestar. La diputada esclarió qu'esi caltenimientu de volume de gastu social nun tien de plantegase como daqué puntual sinón tamién pal futuru. Con esi fin, esplicó, ye necesario "axustar" de forma que se arreye xurídicamente por qu'esi dineru caltengase a futuru pa polítiques sociales.

La fiscalidá tamién entró ente les primeres temes a encetar. Pa IX Asturies ye imprescindible una revisión que dexe una mayor progresividad y equidá impositiva. Hebo coincidencia nesos principios. "En fiscalidá, si recordáis, l'añu pasáu, na xunta de presupuestos incluyéramos que se fixera un estudiu impositivu d'Asturies per parte de la Conseyería y per parte de la Universidá; un estudiu independiente que nos fixera una semeya fiscal d'Asturies. Ta faciéndose. Queremos velo pa depués falar precisamente d'ello, pero falemos y aportunemos en qu'esto ten de ser una harmonización fiscal a nivel estatal, porque lo que nun podemos ye tar viendo y consintiendo tener un Luxemburgu en Madrid. Nun podemos faenos la competencia, nun podemos dir creando paraísos fiscales dientro del propiu país".

Ángela Vallina refugó eses "rebaxes fiscales" favorecíes polos gobiernos conservadores. "Nun puede consentise que les grandes fortunes, casi toes (les) asturianes tengan la casa en Madrid y tean ellí ensin pagar impuestos mientres, depués, vienen equí a esixir ciertes coses, esos mesmos empresarios y eses mesmes fortunes. Quien quiera daqué, que collabore, ye l'inquiz pro quo"

L'arranque de les xuntes IX-Podemos Asturies fíxose al más altu nivel, cola presencia de los máximos responsables de dambes fuerces, Ovidio Zapico y Daniel Ripa, según por otros miembros de la dirección.