Menu

El voceru parlamentariu de Convocatoria por Asturies reivindica la I+D+i como "elementos capitales" pa llograr una mayor competitividá

El voceru parlamentariu de Convocatoria por Asturies, Xabel Vegas, defendió güei la necesidá d'aprovechar el sector científicu pa asegurar el porvenir de la Comunidá Autónoma: "la Ciencia tien que tener un papel central na construcción de la Asturies del futuru. Frente a una derecha que considera que les úniques formes de xenerar valor añedíu ye al traviés de la moderación salarial y de la baxada d'impuestos, nós creemos que la investigación, el desenvolvimientu y l'innovación (I+D+i) son los elementos capitales que dexen dotar a Asturies de mayor competitividá".

El diputáu, que reconoció la'l currículum brillosu" del Conseyeru de Ciencia, Borja Sánchez, aseguró qu'Asturies tien una delda con persones "como usté, qu'aparcaron la so carrera profesional en redol a la investigación por una vocación de serviciu públicu. Nós creemos, como-y digo, qu'esa incorporación d'investigadores na xestión ye positiva. Pero non solo n'ámbitos d'alta responsabilidá como'l suyu. Creemos que la so conseyería tien el retu d'incorporar a los científicos a la gobernanza y orientación de la I+D+i, compatibilizando la mirada del investigador cola d'otros actores como les empreses o les instituciones educatives".

Pa construyir l'Asturies del futuru, impulsada pola ciencia y la conocencia, enfatizado Vegas, la Comunidá Autónoma tien "una magnífica ferramienta que ye la Universidá d'Uviéu". Nesti sentíu, añedió, "valoramos como descomanadamente positiva la collaboración ente la universidá y el Gobiernu del Principáu y esa estabilidá nel financiamientu a la qu'usté faía referencia na so intervención".

El voceru de Convocatoria por Asturies señaló que ye preciso aplicar el métodu científicu a toles polítiques públiques, más nuna dómina na que, reprochó, "inclusive hai formaciones polítiques con representación nesta cámara que nieguen consensos científicos elementales, como'l que tien que ver cola emerxencia climática".

Para Xabel Vegas, l'anunciu de la puesta en marcha de polítiques d'impulsu y acompañamientu de startups, anunciáu pol Conseyeru de Ciencia, va "na dirección correcta pa fomentar el emprendimiento, fundamentalmente ente los más nuevos". Pero amás, el parllamentariu manifestó'l so sofitu a los planes de tresformamientu dixital, un impulsu que tien de favorecer el teletrabajo y el fenómenu de los nómades dixitales. Amás, señaló la importancia de les polítiques actives d'empléu y la modernización del SEPEPA y destacó "el perimportante llabor realizáu pol Institutu Asturianu de Prevención de Riesgos Llaborales, que foi un preséu fundamental p'amenorgar la siniestralidá llaboral y pa fomentar bones práctiques empresariales".

Sía que non, Convocatoria por Asturies aportunó na necesidá de siguir fomentando la concertación social y, reclamó'l diputáu, "particularmente el papel de los sindicatos como dique de contención frente a los escesos contra la parte más débil de la relación llaboral, que ye siempres el trabayador o la trabayadora".

Nesta comparecencia del Conseyeru de Ciencia, Xabel Vegues refirióse tamién a la inclusión de la perspectiva de xéneru" que s'esprendió de tola so intervención, claramente materializada nel compromisu de llucha contra la desigualdá nel ámbitu llaboral y contra la fienda salarial.