Menu

El grupu parlamentariu d'IX va llevar a plenu una Proposición Non de Llei sobre la situación de les infraestructures ferroviaries n'Asturies, tres l'escarrilamientu d'un Alvia la pasada selmana.

IX en boca del so voceru, Gaspar Llamazares, recuerda que la esmolición nun ye solo pola situación de paralís de la Variante sinón pola situación de la vía convencional que va per Payares, una vía deteriorada. Nesti sentíu, IX considera que ye imprescindible que'l Gobiernu asturianu tome la iniciativa ante'l Gobiernu central pa que non solo s'entaine la obra, sinón qu'haya un tratamientu integral de la llínea que dexe garantizar a los ciudadanos y les mercancíes la seguridá pola rede tradicional. “A esti cansinu pasu Asturies ta a puntu de perder el tren, non solo la velocidá, que ta perdida, sinón el tren en tol sentíu de la palabra. Ye urxente adoptar midíes per parte del Gobiernu en funciones y per parte del Gobiernu asturianu”, esplicó Llamazares al acabar la Xunta de Gobiernu.

Amás de pola situación de la infraestructura ferroviaria, IX va realizar una interpelación al Gobiernu de Javier Fernández sobre la situación y el futuru de la Ciudá de Vacaciones de Perlora y sobre'l rescate enerxéticu, cuidando qu'IX considera que tien de faese más fincapié na probeza enerxética y pa incluyir les polítiques de rescate nuna carta de derechos, que se-yos reconozan a los asturianos por selo.