Menu

El voceru de Convocatoria por Asturies llama a la máxima participación na movilización convocada para'l próximu vienres

El voceru de Convocatoria por Asturies, Xabel Vegas, llamó güei a la máxima participación na movilización convocada para'l próximu vienres contra'l peaxe del Güerna que, precisamente güei encetábase nel Congresu, tres una iniciativa del diputáu Rafa Cofiño, con una proposición por que la Cámara adopte'l resolvimientu alcordáu pola Alianza poles Infraestructures. Frente a un contumaz ministru de Tresportes, Vegas aportunó en que'l Ministeriu de Tresportes tien que resolver un problema que foi xeneráu pol PP n'una prórroga illegal según la Unión Europea, pero que la so solución pa recuperar la llegalidá ye del actual responsable del departamentu. Les escuses de Ponte sobro posibles entueyos xurídicos o financieres nun son, a xuiciu del parllamentariu, válides, porque frente a hipótesis la sociedá asturiana yá tien que faer frente a perxuicios tanxibles cada vegada qu'usen la que ye la única vía d'alta capacidá de conexón ente'l pandu y Asturies: "nós dicímos-y dende equí (al Ministru) qu'esi peaxe yá ta teniendo consecuencies y lleven pagándola 25 años los asturianos y les asturianes. Y preguntámos-y qué va asoceder cuando'l Tribunal de Xusticia de la Unión Europea declare qu'esi peaxe ye illegal, ¿van devolver a los asturianos y a les asturianes el dineru que pagaron mientres estos 25 años d'usu d'esi peaxe más los intereses que se van a xenerar".

Respectu al descuelgue del PP na firma de la iniciativa plantegada en Madrid por Rafa Cofiño, Vegas esplicó que tampoco tien de sorprender: Asina, dixo, ye "xuna mala noticia, pero nun podemos esperar gran cosa del partíu que nos llevó a esta situación" Sía que non, el voceru de Convocatoria por Asturies convidó a los representantes d'Asturies de los partíos democráticos nel Congresu sofiten la iniciativa.