La norma, esplica'l voceru de Convocatoria por Asturies, va entainar trámites y garantiza un equilibriu ente simplificación y control ambiental y llaboral.
El voceru parlamentariu de Convocatoria por Asturies, Xabel Vegas, esplicó güei, tres la Xunta de Voceres, que la Llei de Simplificación Alministrativa del Principáu, conocida como Llei Simplifica, empuxada pol Gobiernu asturianu va dexar una axilización de los trámites alministrativos, incorporando cuestiones claves de la meyora tecnolóxica que, hasta agora, nun se contemplaben per parte de l'alministración autonómica.
Para Vegas, trátase d'una llei “descomanadamente importante” porque moderniza l'Alministración autonómica y dexa entainar los procedimientos alministrativos tantu pa la ciudadanía como pa les empreses, incorporando amás la intelixencia artificial na xestión pública. “Ye una norma qu'introduz cambeos de caláu y afai l'Alministración asturiana al sieglu XXI”.
El parllamentariu defendió qu'esta simplificación “nun debe "erosionar los mecanismos de control necesarios”, especialmente en materia medioambiental y llaboral: “como sabéis, somos partidarios de la simplificación alministrativa, pero tamién d'una simplificación alministrativa que non erosione el necesariu control, sobremanera en tolo que tien que ver col medioambiente, colos derechos llaborales. Y creo qu'esta llei va nesa dirección".
NUN HAI ACTOS PREVISTOS
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies
