Menu

La formación celebra la puesta en marcha d'estes instalaciones, pero recuerda que tendríen de tar funcianando dende va años.

IX esixó dotación de personal abondo para'l Centru de Salú de Sotrondio, que la so inaguración, prevista pa güei mesmu, llega tarde. La vocera del grupu municipal, Esther Cepedal Cuencam, aseguró qu'esta apertura ye xuna bona noticia, pero que tendría que celebrase "dende va años".

Dende Izquierda Xunida Samartín considérase que l'apertura del nuevu Centru de Salú de Sotrondio ye xuna magnífica noticia para la ciudadanía: gana la sanidá pública, con nueves instalaciones y la posibilidá d'ampliar servicios que son necesarios para los vecinos y vecines de Sotrondio y del conxuntu del conceyu. Sicasí, al so xuiciu, ye imposible resalvar qu'esta infraestructura llega con años de retrasu, tres una tramitación interminable marcada pola escesiva burocracia y xuna falta clara de prioridá política. Lo que güei se presenta como un llogru institucional tendría de ser xuna realidá fai enforma tiempu para la población.

Mientres estos años, recordó IX Samartín, anunciáronse meyores y prometiéronse servicios como odontoloxía, fisioterapia, atención a la muyer y urxencies, mientres la ciudadanía siguía esperando daqué tan básicu como xuna atención sanitaria digna y cercana. Y ye que, pa la formación, la sanidá pública nun puede funcionar a base de golpes d'efectu nin de propaganda: los derechos garantícense en tiempu y forma, non con retrasos acumulaos.

Por ello, dende IX Samartín alvertieron de que van tar vixilantes sobre los servicios que s'empresten nel nuevu centru con cuenta de los servicios anunciaos sían reales y efectivos; se dote al centru del personal necesario y de los medios fayadizos. Tou ello para evitar que'l centru vaya convertise nun edificiu nuevo pero ensin conteníu: "nun sirve solo un edificiu, sinón que precisa que cumpla con una atención calidable", aprofió Cepedal.

Sía que non, IX reconoz que cola inauguración de güei gana la salú pública, pero l'alministración llega tarde. Por ello, señalen dende la organización, "vamos siguir fiscalizando, como ye'l nuesu deber, y defendiendo xuna sanidá pública axilosa, cercana y calidable".