Menu

La secretaria d'Organización, María Miranda, alvierte de los riesgos del pactu sobro la soberanía alimentaria y el sector primariu y anima a participar na protesta convocada pa esti vienres

La secretaria d'Organización d'Izquierda Xunida Asturies, María José Miranda, espresó'l refugu fronteru de la organización al alcuerdu alcanzáu ente la Unión Europea y Mercosur, al considerar que supon xuna grave amenaza pa la soberanía alimentaria y pal sector primariu asturianu. Por ello, amosó'l so sofitu a les movilizaciones que se convocaron por distintes organizaciones agraries pal próximu vienres.

“IX d'Asturies refuga de manera frontera l'alcuerdu con MERCOSUR. Amás de poner en riesgu la soberanía alimentaria, daqué que nos esmolez y esmoleznos enforma, desprotege de manera aberrante al sector primariu", señaló la dirixente, pa quien el tratáu con MERCOSUR favorez los intereses de grandes multinacionales frente al los sectores ganaderu y agrícola tradicionales de Asturies que son los que día ente día, hai enfatizado "trabayen pa ufiertar productos de primerísima calidá, que son los que podemos esfrutar equí n'Asturies”.

Pa Miranda, l'alcuerdu ye consecuencia directa de les polítiques más reaccionaries impulsaes a nivel européu y global: “esti alcuerdu a cencielles ye un exemplu más de lo que traen consigo les polítiques de la derecha y de la estrema derecha a nivel européu, a nivel global. Polítiques que lo único que faen ye favorecer los intereses económicos y de los lobbies económicos, frente al interés xeneral. Impórtalos bien poco nin la soberanía alimentaria nin tanto el sector primariu de les distintes comunidaes autónomes y tampoco el sector primariu d'Asturies”, afirmó.

Nesti contestu, la secretaria d'Organización de IX fixo un llamamientu espreso a la movilización convocada pa esti vienres contra l'alcuerdu con MERCOSUR, apelando a la defensa del sector primariu asturianu. “Sofitar o callar frente a esta aberración acordies con Mercosur ye dexar solos a el llabradores y a les ganaderes y ganaderos d'esta comunidá autónoma. Creo que toos y toes tenemos que tar el vienres na cai defendiendo a esti sector primariu y poniendo en valor el productu y los productos de peralta calidá qu'ufierten los nuesos ganaderos y les nueses llabradores”, concluyó.