Menu

Xabel Vegas reconoz les meyores del modelu, pero sorraya la necesidá de defender la singularidaes d'Asturies nel Conseyu de Política Fiscal y Financiera

El voceru parlamentariu de Convocatoria por Asturies, Xabel Vegas, aseguró güei, tres la xunta caltenida col conseyeru de Facienda, Guillermo Pelaez, y con otros grupos parlamentarios para sobro'l financiamientu autonómicu, que la propuesta que ta sobro la mesa presenta dellos ameyoramientos al respective de l'actual, magar hai enfatizado que ye imprescindible incluyir nes negociaciones otros aspeutos importantes dende la perspectiva d'Asturies.

El nuevu modelu, según el parllamentariu, incorpora meyores relevantes en términos de recursos disponibles pa les comunidaes autónomes y pal sostenimientu del estáu del bienestar. Sicasí, Vegua aportunó en que ye imprescindible que'l procesu de negociación tenga en cuenta de manera específica la realidá d'Asturies, el costu de los sos servicios públicos y la garantía de los derechos de la ciudadanía asturiana.

“Ye un modelu que tien elementos positivos, en concencia apurre más fondos pa les comunidaes autónomes y pa financiar el nuesu estáu del bienestar, pero tamién tien elementos que tenemos qu'axustar y que tenemos que sentanos a engarrar nesi Conseyu de Política Fiscal y Financiera y col Ministeriu de Facienda, que ye tolo relativo a Asturies, a la posición d'Asturies, al costu de los nuesos servicios públicos y a los derechos de los asturianos y asturianes”, concluyó.