Menu

Jorge Sánchez, candidatu d’IX de Bimenes promete un centru rual d’apoyu diurnu

Jorge Sánchez, candidatu d’IX a l’alcaldía de Bimenes, adelantó dalgunes de les propuestes del programa electoral, na presención pública de la candidatura, que cuntó cola presencia del Coordinador Xeneral d’IX d’Asturies, Jesús Iglesias. El candidatu de Bimenes va llevar al programa electoral la puesta en marcha d’un centru rural d’apoyu diurnu que dea respuesta a l’atención de les persones mayores nun conceyu que ta enveyeciendo.

Jesús Iglesias sofita la creación d’una unidá d’atención especializada en Fibromialxa y Síndrome de Fatiga Crónica

Jesús Iglesias, Coordinador Xeneral d’Izquierda Xunida d’Asturies, sofita la creación d’una Unidá de Diagnósticu y Tratamientu de la Fibromialxa y el Síndrome de Fatiga Crónico, tal y como vien demandando l’Asociación d’Enfermos de Fibromialxa del Principáu d’Asturies, con cuya directiva caltuvo un conceyu ayeri.

Actividaes de la Plataforma pola Defensa del Parque Natural de Redes

marzu, agua y primavera, ven a cellebralo
¡¡ LLARGA VIDA A CALIAO !!
Díes 24 y 25 de marzu en Caliao (Casu)

Actu de Memoria Hestórica
Gaspar Llamazares reclama que la Llei de la Memoria Hestórica condene y anule los xuicios del franquismu y repare l’amnesia que sofrieron republicanos y antifranquistes

Gaspar Llamazares, Coordinador Federal de IX, Jesús Iglesias, Coordinador Xeneral de IU de Asturies; Jesús Montes Estrada, Coordinador de IX de Xixón, Francisco Javier García Valledor, Conseyeru de Xusticia y Seguridá Pública, y Victor Luis Álvarez, presidente de l’Asociación de Memoria Histórica d’Asturias participaron el vienres pasáu en Xixón, nun actu que valió pal analís de l’actual llei que se tramita nel Congresu de los Diputaos pa la reivindicación de los republicanos y antifranquistes que llucharon contra’l réxime y tamién p’avanzar nes propuestes que tien d’incluyir esta llexislación si, de verdá, se quier que seya una verdadera llei.

Gaspar Llamazares, Jesús Iglesias y Jesús Montes Estrada van participar mañana vienres na concentración contra la guerra d’Iraq

Gaspar Llamazares, Coordinador Xeneral d’IX, Jesús Iglesias, Coordinador Xeneral d’IX d’Asturies y Jesús Montes Estrada, Coordinador d’IX de Xixón van participar mañana vienres na concentración "Non a la guerra y a la ocupación d’Iraq" que se va facer mañana vienres, 16 de marzu, a les 19 hores na Plaza del Institutu, en Xixón. Esta concentración, que coincide col cuartu aniversariu del entamu de la invasión d’Iraq, ta convocada pola Plataforma Asturiana contra la Guerra y la Ocupación d’Iraq, integrada pol Comité de Solidaridá cola Causa Árabe, Izquierda Xunida, Médicos "A pie de barrio", Bloque por Asturies, Lliberación, FSA-PSOE, CSI, SUATEA, UXT, CC.OO., Atenéu Obreru, Movimientu Social pola Escuela Pública y la Plataforma de la Sanidá Pública.

IX de Morcín sal a ganar

“Izquierda Xunida de Morcín sal a ganar”. Con esta frase entamaba ayeri Joaquín Uría, candidatu d’IX de Morcín la rueda de prensa na que presentó publicamente la so candidatura al ayuntamientu, onde agora IX cuenta con tres conceyales. Uría aseguró qu’Izquierda Xunida de Morcín alcuéntrase en condiciones infinitamente meyores qu’hai cuatro años, con un llabor consolidáu de los tres conceyales actuales y un trabayu de xestión realizada con tresparencia y llimpieza.

Discursu de Jesús Iglesias na XIII Asamblea d’Izquierda Xunida de Xixón

La situación política que vive’l nuestru país y a la qu’Asturies nun se puede sustraer ye una situación caracterizada pola tensión. Había munchu tiempo que nun se palpaba un nivel d’enfrentamientu tan grande, nun solo ente les fuerces polítiques, y les sos manifestaciones nes instituciones, sinon tamién na ciudadanía.

Concentración contra la guerra y la ocupación d'Iraq

Acto de presentación de los Acuerdos Izquierda Xunida, Bloque por Asturies, Los Verdes.

Asturies alcuéntrase güei ente un triple retu: garantizar un modelu de desarrollu sostenible, respetuosu col nuesu patrimoniu natural al mesmu tiempu que garantice una económica y industrial afayadiza, puxando tamién los nuevos sectores de l’actividá económica; garantizar un modelu social avanzáu, capaz de dar respuesta a los retos d’una sociedá envieyada, que frene la emigración xuvenil y fura los instrumentos públicos pa redistribuyir, con mayor xusticia, la riqueza; y finalmente, Asturies necesita avanzar nel so autogobiernu y reforzar la so identidá como pueblu.

Jesús Iglesias y Antonio Pino reclamen un cambio nes polítiques industriales

Jesús Iglesias, Coordinador Xeneral d’Izquierda Xunida d’Asturies y Antonio Pino, Secretariu Xeneral de Comisiones Obreres d’Asturies amuesaron ayeri, en rueda de prensa, una visión similar sobre la realidá socioeconómica y los riesgos que nos próximos años s’averen a Asturies, de nun mediar un cambiu nes polítiques económiques ya industriales.