Menu

Ángela Vallina y Guillermo Laíne ufiertaron una charra sobre la recuperación de la mina de carbón más antigua de la península ibérica.

Arnao foi esta mañana protagonista na Facultá de Ciencia de Granada, onde l'alcaldesa de Castrillón, Ángela Vallina, y el director de SADIM, Guillermo Laíne, ufiertaron una charra sobre la recuperación de la mina de carbón más antiguo de la península ibérica, dientro del master de Xeoloxía, una de cuyes llínees de formación empobinase a procesos de valorización del patrimoniu industrial y xeolóxicu como un activu de desenvolvimientu.

Ángela Vallina destacó l'esfuerzu del Conceyu de Castrillon pa entamar, en solitariu, la recuperación del conxuntu mineru, apostando pola busca d'ayudes europees, por culpa de que, nos entamos del proyectu, nin el Principáu d'Asturies, nin l'alministración central comprometiéronse col financiamientu. "El primer elementu necesariu pa entamar un proyectu d'esti tipu ye la voluntá política y el sofitu social, dos elementos qu'esistíen en Castrillon. Lóxicamente, tomada la decisión ye necesario buscar recursos económicos y ende ye imprescindible tocar tolos palos. Nel nuesu casu, namái cuntamos col sofitu de la Unión Europea al traviés de los fondos FEDER, que dexaron id'nvertir más de 5 millones d'euros y güei el muséu de Arnao ye una realidá que supunxo, nel primer mes d'apertura 3.000 visitantes".

Pela so parte, Guillermo Laíne fixo un relatu de la hestoria de la esplotación, con un modelu que, dixo, puede extrapolarase a otres intervenciones de recuperación patrimonial. Na so opinión, el sofitu social foi fundamental pa sensibilizar sobre la necesidá d'esta intervención. "En Arnao celebráronse l'añu pasáu los X Alcuentros  Mineros, unes xornaes impulsaes pola Asociación de Vecinos de Santa María del Mar, lo que quier dicir que, muncho primero de qu'esistiera dineru pa la recuperación yá había un interés de la xente porque la mina recuperárase".

La presentación de la charra corrió a cargu del director del Master de Xeoloxía, José Benavente.